سبت همى ورحت اتفسح ..لقيتة سبقنى وقالي هو انا مكسح!! ولكن..لا تقل يارب لى هم كبير ولكن قل ياهم لى رب كبير

الأربعاء، ٩ ربيع الأول ١٤٢٨ هـ

تمتع بالسوء فالأسواء قادم

طبعا كان المفروض اكتب عن التعكيكات الاسطورية_التعديلات الدستورية
لكن نظرا لتعطل جهازي اتاخرت
لكن عموما بصوا

بعد ان اكتسي الجميع بمظاهر السواد من اول الجامعات التى رفعت الاعلام السوداء تسبق كفن اسود ؛مرورا بالمتظاهرون فى كل مكان فى الميادين والمحافظات المختلفة داخل وخارج مصر بدعما من كل قوي المعارضة المختلفة ؛ انتقل ذلك اللون الأسود للإنترنت ؛ وبدي جليا منذ الصباح على الأسماء المستعارة بالماسنجرات المختلفة وتنوعت الأسماء بين النقد اللاذع او كعادة المصريين قلب كل مأساة لنكتة؛ ونذكر بعض مما كتب اليوم:

إبسط يا عم هيتقال عليك إرهابي
إذا قال الرئيس اليوم سبت فالقول ما قال الرئيس وإذا قال الرئيس غدًا الخميس فنعم سبت يعقبه خميس.
حد يناولنى الساطور عشان نشفي الدستور.
خربوها وعملوا دستور علي مقاس ءال مبارك وسلم لي علي الدستور.
تمتع بالسوء فالاسوء قادم على يد مبارك.
هيشلوا قانون التفتيش وهيحطوا قانون التلطيش
انا عندي برد ومهيش ومش قادر أروح أصوت؛بس هقعد فى البيت واصوت.
يابلدنا يابلد شايفة ظهري اللى انجلد؟ امتى يوم هصعب عليكى ولا انا كمالة عدد؟.
المقاطعة هي أنك تقاطع (إريال وبيبسي وكوكا كولا وماكدونالذ والتعديلات الدستورية).
نكسسة مارس 2007 .
يا شعب اللى بأرضه اتمرر قهر وأحزان بيكفيك.
سيجىء زمان يتسلي فية المظلوم بمن ظلم .
لالا لتغيير الدستور.
سنقاطع الإستفتاء وهتلبس إسود حداداً علي أغتيال مصر .
اغضب او لا تغضب ... ماحيلتك اذا غضبت وما عذرك ان لم تغضب.
(شيخ الأزهر يقول: الله أعلم برأيي في التعديلات).
كم من ملك رفعت له علامات فلما علا مات.
وشرفك يابلدي سحابة وتعدي.
استفتاااااااااااااااء استهبااااااااااال.
لا للإنقلابات الدستورية لانهم خررررررررربوها .
رحلة لبورسعيد والاسماعيليه مقابل المشاركة فى المسرحية الهزلية.
بإيدك وإيدن الحبايب.. هنعيد قمر مصر اللي غايب .. حرية الإنسان.
إن فقدنا احلامنا ضعنا .. كتر الخطاوي يدلنا على حلمنا .
قلب الوطن مجروح وقلبي ايضاً لجرحة.
إستمتع بالنوم النهاردة في بتكم ومصر بتموت
المرة دى دفنينوا سوي (الدستور)
رئيس مصر القادم السيد...(جمال مبارك - جمال مبارك - جمال مبارك - كل ما سبق)**بسم الله الرحمن الرحيم ... الاجابة: تونس.
اللهم لا تمت حسني مبارك وولده ولجنه سياسات حزبة ورئيس وزراة ووزراء إسكانه الحالي والسابق وداخليتة واستثماره على ملة الاسلام، آمين.
مصر هاتفضل غالية علينا.
قاطعوا استفتاء ابن سوزان.
فيلم الموسم: «التعديلات الدستورية».. إنتاج: أحمد عز بطولة: جمال وسرور ونظيف.. و٧٠ مليون كومبارس].
في نهاية اليوم السعيد كان هناك إقبال واسع من المواطنين الذين صوتوا بكل حرية لنعم لتعديلات

هناك ١٣ تعليقًا:

Eric Matt يقول...


عيد مبارك و نظيف و شريف

وكله جمال و كمال و سرور

مع تحيات الحزب الوطني الديموقراطي

لك الله يا مصر

ربنا يشفيك يا مصر

تحياتي من ماناساس البلد

غير معرف يقول...

لما تعيش فى ظلم وقهر يبقى انت اكيد اكيد فى مصر

لما يعضك كلاب الأمير ترك يبقى انت اكيد اكيد فى مصر

لما تموت من القهر يبقى انت اكيد اكيد فى مصر

غير معرف يقول...

من روائع الشاعر / سيد حجاب

يا مصري ليه .. دنياك لخابيط و الغلب محيط
والعنكبوت .. عشش ع الحيط و سرح ع الغيط
يا مصري قوم هش الوطاويط .. كفاياك تبليط
صعبة الحياه و الحل بسيط .. حبة تخطيط
فتحت باب استيرادك و صرفت فوق ضعف ايرادك
حلي للخواجه استكرادك .. سابك بتقرا ف أورادك
و ده قشطك و نزل تشفيط .. يا مصري ليه ؟؟
ومهولاتي تحب تزيط .. ساعة الفرح زغاريط تنطيط
و في المياتم هات يا صويت .. و ف المظاهرات سخن تشيط
و في الانتخاب تنسى التصويت .. يا مصري ليه ؟؟
وليه بترشي و تتساهل و تبيع حقوقك بالساهل
تستاهل النار تستاهل .. يا غويط و يحسبك الجاهل
ساهل و ساهي و غبي و عبيط .. يا مصري ليه ؟؟
يا مصري ياللي الغلى عاصرك .. و النهب في عصرك حاصرك
قوم للحياه .. و اسبق عصرك .. ولا حاجه هترجع مصرك
إلا ان تكون شغال و نشيط .. يا مصري .. ليه ؟؟

الحصان الأسود يقول...

شوفي الفيديوهات المتصورة في لجان الانتخابات عند مها ميمو المفروسة وانتي تتفرسي

http://mafrosa.blogspot.com/

جبهة التهييس الشعبية يقول...

كل ده ومستنية الفرج

طيب استني بقى

انا رايحة مشوار

لو جه

اديني رنة

الفرج طبعا

اروي الطويل يقول...

دمك عسل والله بس مين المفتري اللي داعي الدعوه دي دا فظيع ما فيش في قلبه رحمة ياي ياي ياي

يعقــــوب .... يقول...

عجبن قوي القال كل ده و مستنية الفرج...عنده حق دا زمان فرج جاتله ساكته قلبية

مسـتنـية الفـرج يقول...

صحيح
زمانة جتلة ساكتة قلبية
داهية ليطلع فرج دة جمال
مهو كل شىء جايز

حد يجبلي فررررررررررررررررررج

محمد عـنـانـى يقول...

بعد التحيه
الخبر الجديد
مباحث المدونات عن قريب
وكلو يخلى بالو هنعرف بعد ميجمعونا فى ابو زعبلا ستى
ههههههههه
انتى مستنيه الفرج
قادم عن قريب
بس الكل ايدو معانا
يا مسهل
تحياتى

كلبوزة لكن سمباتيك يقول...

نقد ساخر لواقع مرير
تحياتي

غير معرف يقول...

يا جماعة والحل اية حنسيبهم يبهدلو فينا لحد امتا من انتخابات للدستور للاعلام للاحزاب مفيش حاجة الا وبوظوها

شــــمـس الديـن يقول...

لأ بجد عايز تعرف نبض الناس بجد ادحل علي المدونات او اقتني عدد محترم من البشر علي مدونتك و انت تشوف العجب


انا اصلا لسة ملاحظة 4 من اللي عندي مذيلين كلامهم بحسبنا الله و نعم الوكيل


يا رب بقي الغمة تنزاح ... و الفرج يجي بقي لاننا كلنا مستنيينه
تحياتي

مسـتنـية الفـرج يقول...

محمد العناني طبعا صدق حدسك بعد اعتقل صاحب مدونة انا إخوان؛ طيب خبي ديلك ياعصفور؛ وكل يبطي يتعاطي الشياشة؛ دى حتى مضرة للقلب والكلي

سمباتيك شكرا علي مرورك


دة يمر-سووم :الحل ايه سؤال وجيه

خيفة اقول الإسلام هو الحل نتقفش ههههههه

احنا زى مشمس قالت نقول حسبنا الله ونعم الوكيل