سبت همى ورحت اتفسح ..لقيتة سبقنى وقالي هو انا مكسح!! ولكن..لا تقل يارب لى هم كبير ولكن قل ياهم لى رب كبير

الأربعاء، ٨ ربيع الآخر ١٤٢٨ هـ

يتسولون الطعام؟






من زمان وانا بحضر لانى أتكلم فى الموضوع ده
من قبل رمضان يمكن وأنا بحاول اجمع داتا
هو الموضوع مش جديد
ولا مميز
هو بس هتكلم عن لفته خاصه فيه هى اللي بتحرق قلبي اوى
بتوجعنى فعلا
بتخلينى احس بالظلم واستشعر مساوىء الفساد بعيناي؛ابصر بنورهما كسرٍة الضحايا
دعنا اولا آخذك معي إلي عالمي فى سنيماي؛اغمض عينيك واصعد معي فى المنضطاد؛ بماذا تحلم؟
سترد سريعا
سرير مريح حيث نومه هانئه
وطعام ساخن لذيذ ومغذي
و....سأتوقف عند هاتين مؤقتاً
ولعلي في بوست آخر اتحدث عن و...
انت ياأبن العشرين تحلم بذلك؟؟
انت يامن تتمتع بقمة الصحة لانك فى هذا السن نميت وطولت وسمنت وتكون عودك؛
وتحلم بالنوم؟ والطعام؟؟
يالك من مسرف؟؟ أناني؟
خيالي؟ ..ربما لانك فى سينماي او علي منضطادي
انزل منهم وأنظر للرجل فى الصورة التى فوق
هل تراه؟
اؤمن بأن كثيرون بل معظم المتسولون هم نصابين ولكنى هنا اتحدث عن قضيه اخري
هل ترى ذلك الرجل؟
هل تحس احساسه؟
(حتى لو نصاب)فإننى اتسائل اليس لهذا الرجل أبن أخ جار قريب؟
اليس هناك من يطعمه ويقدم لها الطعام اللذيذ
لا اظن ان رجل فى مثل سنه قد يفضل أن يتسول عن ان ينام في سريرة


خصوصا أنظر لظهره

وانظر ليداه الممدودتان بإستيحاء
السؤال الأهم ليس عن اخوة او جاره
وإنما اين هم من يدعون انهم وزارة الشؤن الاجتماعيه؟
السؤال الأهم...أين هو بيت مال المسلمين ليغنى امثال ذاك الرجل عن السؤال؟

اتتخيله وهو جالس فى هذا الحر الفظيع وهو فى اشد الحاجة للظل واشد الحاجة للماء؟
للأسف هو ليس النموزج الوحيد فى بلدنا الإسلامي
فلازلت اذكر رجل كنت اركب الميكروباص وكان هو فى الجهة الأخري من الشارع ؛ وإلي يومنا هذا نادمه إني لم أنزل له من الميكروباص
كان نفس نحافة هذا الرجل الموضوع صورته
إلا أنه كان لا يتسول؛بل كان يجمل صندوق به لبان وسجائر ومناديل وبسكوتات
كان يحمل هذا الصندوق بحبل علي رقبته
اى رقبه؟؟ رقبه عليها رباطط ضاغط(لاأعرفه اسمه الطبي)
وكان يسند بيده ظهره ليحفظ توازنه
كان يضع يده حيناً علي عموده الفقري كما نحاول ان نسند شجرة مائله
اتتخيلون؟
كان يضع يده علي جنبه حيناً آخر
وتخيلوا معي فى أحسن حال من الأحوال كم يكسب؟
هل يكسب عشرة جنيهات؟
ايعجز أحد الأثرياء الكسر فى عالمنا ان يوفر له هذا المبلغ؟
أيعجز الأمير الفلاني الذي تبرع لحديقة الحيوانات الفلانيه ان يوفر له هذا المبلغ؟
كم من هؤلاء البشر يصرفون هذا المبلغ ربما فى سيجارة واحدة؟
تخيل نفسك فى هذا السن وصحتك التي هي أعزما تملك لأنها هي التي تحقق بها أنشطتك ضعفت
تخيل انك تتحرك بصعوبه
ذات مرة استشعرت بألم فى ركبتى فتذكرت كل من أراهم يتحركون بصعوبه كم يتألمون؟
أما النساء اللواتى يتسرزقون ببيع نعناع ومناديل مثل تلك



فهل تري سنها؟ كم تبلغ من العمر؟
50؟
أين من بنتهم طوال الخمسون عام؟
هى كانت تبيع بعزة فعلا؛حتى صديقتى حين قالت لها احتفظى بالباقي رفضت

هى أمي
وامك
الا تغار عليها؟
الا تبكي لذلها في طلب الحاجة؟ ):
الا تشتعر ابدااااااااا
لن اتحدث عن ام اليتامي
فقط أقول
أين بيت مال المسلمين ؟

وأين عمر الذي كان يبكي خوفاً من ان يسئل علي شاااااااااااااااااااااااااااه تعثرت
شاااااااااااااااااااااااااااااااااااااااااااااااااااااااااااااااه يامؤمنين
اين عمر الذي ارسل زوجتـــــة لتساعد زوجة راعي علي الولاده
أين عمرر الذي شم فى زوجته رائحة عطر سقط اثناء تقسيمهم عطر بيت المال فصرخ فيها واخذ الثوب؟
أين بيت المال..........يعف المسلمين؟

هناك ١٤ تعليقًا:

mohamed يقول...

انا قلبي بيوجعني من الحاجات ي

وخصوا لما القي واحد من دول نايم في الشارع في البرد من غير اي غطا

او يكون قاعد جمب مطعم بياكل عيش حاف وجمبة ناس جوا بياكلوا كذا وكذا

بجد صور صعبة من الحياة

واحـــد مـــــن الـنـــاس يقول...

لا حول ولا قوة الا بالله
يا جماعة برض مننساش ان واجب علينا اننا نطلع من زكاة مالنا للناس دول

احنا لينا دور برضه في الحالة اللي هما فيها

لازم نتكافل برضه ومنستناش دور من الدولة او من بيت المال

مسـتنـية الفـرج يقول...

يا واحد من الناس؛لأزم تكون عارف كويس حالة الناس؛الله يرحمه اللي اجاز الزكاه علي موظفي الحكومه و مرتبهم 500 جنيه؛
ثم ان الضرائب اللي بتجززززززززززز وتدبح؛ مفروض انها_دة المفررررررررررروض_ تتصرف في تلك الأمور؛لكن عموما الناس دى علينا نحاول نهتم بهم بصدقة واجتهادنا حتى فى شغلنا وحياتنا عشان نقاوم الفساد

مسـتنـية الفـرج يقول...

اخ محمد حودت منا علي اطفال الشوارع تقريبا؛ وعلي المتسولين اللى معندهمش بيت ومستعمرات القمل بيسكنهم اطنان أطنان؛
كمان بقي لما تلاقي طفل ابوه طردها ومش هيدخله غير لما يجيب له 10 جنيه؛وفي اسقع ايام الشتاء نايم فى أرض المترو المثلجة؛وهيروح النهارده عشان الدنيا ساقعه


كانت معكم كئيبه المكئبه من أكئب منطقة فى العالم

محمود سعيد يقول...

إحنا عملنا فيكى إيه بس علشان توجعى لنا قلبنا

مش كفاية اللى بنشوفه

mohamed يقول...

اقول ايه بس

نسيتي الاطفال اللي بيلاقوهم مرمين وسط اكوام الزباله وهما عمرهم شهور

اما يمتوا
او كلب سعران ياكلهم وهما عايشين

او حد يبلقيهم ويوديهم القسم يشفلهم صرفه فيه

مسـتنـية الفـرج يقول...

الحقيقه يا أخ محمود انا بحب أخدم أوي ؛ويهمنا راحة العميل؛ كمان حضرتك اسمك محود سعيد؛فقلت اشوف هل هتنضم للكادر بتاعنا ولا لأ(كادر المكتئبين في الأرض)

أخ محمد كالعاده حودت مني علي اطفال الشوارع؛ اللي ليس لهم جاه او سلطان او مال او حسب او نسب ليسندهم؛
حودت مني علي مبدأ اللي معاة قرش= قرش
واللي معهوش ميسواش!!
ذكرتنى بالطفل اللي مات تحت عجلات عربة نقل كبيرة لانه نام تحت العربه وتغطى بكرتونه فدهسته؛ولم يسمع أحد به لأنه ميسواش لانه معهوش؛
ذات مرة جلست الي جوار طفل من أطفال الشوارع فى المترو كان بيبيع مناديل علي البوابه؛فأنف الصحفي طبعا اتحشرت وسألته؛كان اسمه مصطفي وعنده 9 سنوات وكان معه اخوة اللي عمرة 7 سنوات ؛اخوة كان بيشحت ؛وهو بيبع مناديل؛ وباقي اخوته يعملوا في تلميع الاحذيه ؛الاهم والاهم أن ابوه لايدخله البيت إإإإإإلا لو معاه 10 جنيهات
وكنا وقتها فى اسقع ايام الشتاء؛ وكان بينام علي سيراميك المترو المثلج؛قالي بس هروح النهارده عشان الدنيا برد لو جبت العشره جنيه(مكنش يأمل منى فى فلوس لأنى كنت خدت خلاص مناديل)
طبعا الأم...أين هي؟ الأم طلقت وقعدة فى محافظة اخري؛ هكذا ينشأ المهمشون؛لا اهداف...لا طموح...لا أحلام تتعدي احلام اليوم؛ ومن هنا يأتي التوربينى وابو عكاز والعطار وغيرهم...من هنا يجب ان نتذوق المراره
ما أصعب العيش دون هدف؟؟؟؟؟؟؟!!!

mohamed يقول...

بارك الله فيكي مش حرمانة من حاجة

t3ban يقول...

أنا فعلا بتعاطف مع الموضوع ده
بس الواحد حيعمل أيه
و كمان في ناس بتحترف الموضوع ده و الواحد مبيعرقش مين
السادق و مين الكاذب
ان لله وان اليه راجعون

شــــمـس الديـن يقول...

العزيزة مستنيةالفرج

انا فعلا اري هؤلاء كثيرين جدا و زاد عددهم بشدة و اعتقد انه لا توجد محطة مترو تكاد تخلوا من البائعات - مناديل و لبان و دبابيس تحجيبة و خلافة - و لكن الاجابة التي طرئت علي ذهني اثر سؤالك " اين بيت مال المسليمن "

هو الموضوع مش موضوع مسميات لان المسميات دي ممكن تثير حنقة او حساسية ما عند بعض الناس ... و لكن اعتقج انه فساد و خراب حل علي بلدنا ... فساد الذمم و خرابها ... يعني حتي لو سموا وزارة الشؤون الاجتماعية بيت مال المسليمن ... لن تحل المشكلة , و لكن المشكلة الاكبر هي انصراف الدولة ككل عن هؤلاء و اعتبارهم ذباب لا فائدة منة و الاولي ان يباد ...

المشكلة ليست في المسميات و لكن في التوجة العام للدولة ... المضمون و ليست المسميات ...

خالص تحياتي للدوينة التي تنم عن ان قلبك مازال به دماء حارة
:)

Eric Matt يقول...


لك الله يا أمة الاسلام

ربنا يصبرنا يا رب

:((

تحياتي لك من ماناساس البلد

فاروتا المصرى يقول...

السلام عليكم
اختنا مستنيه الفرج
ان شاء الله فرجه قريب جدا

اما بالنسبه للبوست بصراحه
دى قصه شعب
اشمعنا لما كان عمربن عبد العزيز بيحكم مصر مكنش هناك ولا فقير وجوز الشباب وعمل وعمل
اولا الحاكم
ثانيا الحاكم
ثالثا الحكومه
رابعا الشعب
احنا علينا دور
فى الزكاه والصدقه

وربنا يستر
فاروتا المصرى
مدونه الحريه لعبد الجواد
مدونه فاروتا المصرى

مسـتنـية الفـرج يقول...

الأخ t3ban
تعطفك لواحده مش كفايه؛ مش هقول زى الاعلان اتبرع بجنيه؛لا بجد انت شوف ممكن تعمل ايه؟


شموسه حبيبتى؛انا لم اقصد المسمي للمسمي ؛ لالا خالص؛ انا قصدت تلك الأيام اللي كان اليهووودى لو فقير بياخد من بيت المال؛
والله يسموها حتى بيت اليهوووود؛وزاره العبط
بس يكفوا الناس دى ذل السؤال؛ واللي يثبت انه بيتسول يسجن ؛ماداموا بيكفوه
فانا اتفق معكى فى ان "المشكلة ليست في المسميات و لكن في التوجة العام للدولة . المضمون و ليست المسميات"
انا بقي كلماتك
"خالص تحياتي للدوينة التي تنم عن ان قلبك مازال به دماء حارة"...حسابي معاكى لما نتقابل...كنتى فكره انى معنديش احمر؟؟؟



أخي فاروتا المصرى
انا صدمت لما عرفت ان مذهب الحنبله تقريبا بيلزم صاحب العمل انه يزوج العاملين عنده(ينفق علي زواجهم يعنى)
تخيلوا لو كان القانون دة ساري هههههههه
مكنش هيبقي فى مدونة عايزة اجوز
ولا 9 مليون عازب ولا 5 مليون عانسه
ومختلفتش معك اخ فاروتا المصرى
فى دور كل وحده؛لكن يبقي الدور الأعظم علي القياده

:)

غير معرف يقول...

أين بيت المال يعف المسلمين
والله أبكيتنى ياأختى والله بكيت
كيف يهنأ لحاكم البلد أن ينام ويأكل ويشرب ويضحك والاف من شعبه المسؤول عنهم لا ياكلون ولا يشربون ولا يبتسمون
المسؤولية ليست له وحده بل علينا جميعافلنتق الله فى المسلمين فأن كنا حقا مسلمون فلنتكافل ولو بالقليل
جزاكى الله خيرا