سبت همى ورحت اتفسح ..لقيتة سبقنى وقالي هو انا مكسح!! ولكن..لا تقل يارب لى هم كبير ولكن قل ياهم لى رب كبير

الثلاثاء، ٢٥ جمادى الآخرة ١٤٢٨ هـ

قل أنا أخواني ....ولا تقل إخونجي

اخواني واخواتي

تدوينتي اليوم

هي رجاء

هي همسة

هي طلب

كم اشعر بالضيق إن وصف أحدهم نفسه أنه أخونجي

او وصف أحدهم شخصاً آخراًُ أنه أخونجي

او تحدث هي عن نفسها فقالت أنا أخونجية أو تحدثت عن اخري ونعتتها بالاخوانجية

تقفز امامي صورة كمال الشناوي في فيلم احنا بتوع الاتوبيس وهو يستجوب احدهم

عن نور الشريف

بقي اخوانجي امتي؟

واتذكر ما تعلمته في المدرسة حول اللغة العربية والاوزان

فكلمة اخونجى هي نفس وزن كلمة خمورجى

ولذا تألمني بشده

فرجاء

لا تقولها

ّومن حقي ان اطلب منك مناداتي بأحب الأسماء إلي




هل من معترض؟

هناك ٤١ تعليقًا:

بحب الحرية يقول...

:lol:

ماشي يا إخوانية ..

فعلا معاك حق ..أنا أيضا أشعر بالضيق الشديد من هذا الوصف

ربنا يكرمك ..

نـــــــور يقول...

معاكِ حق ياقمر

عموما انا مش بقول اخوانجية دي خالص

:)

Alaa يقول...

طيب بس بالراحة و من غير ضرب
هو مش احنا بتوع الاتوبيس ده بطولة عادل امام و عبد المنعم مدبولي باين
؟
ايه اللي جاب نور الشريف :)

ثم الكلمة دي غالبا مش احنا اللي بنقولها انما اللي مش اخوان هم اللي بيقولوها علينا

باحس فيها شيئ من التحقير
لكن معنديش اعتراض كبير عليها
خليهم يقولوها
انا اخواني
اخوانجي
المهم هل انا فعلا ملتزم بفكرة الاخوان و منهجهم و لا لا
و هل هادخل الجنة و لا لا

سلام عليكم

مسـتنـية الفـرج يقول...

أخ علاء اللي بعتز دوما بمشاركته المضيفه؛ الكلمة دى بيقولها حتي الاخوان
كنت بكلم أخ اول أمبارح وبسأله علي حاجة فقال لي أنا أخونجي من زمان ؛فقلت له ممكن تقول أخواني مش أخونجي علشان اخوانجي علي وزن خمورجي فضحك اوى وقالي حاضر

كمان لما كنت باخد الدوره بتاعة شباب الاحزاب ؛ وكان معي التشكيله المتنوعه من الاحزاب ؛لما قلت لمحاضر اسجل تحياتي لك عشان قلت اخوانى وليس اخوانجى عشان.... وهوكان يساري باين ؛ كلهم ضحكوا وقالوا لي معاك حق ؛ وبقي لما بيكلموا وعايزين يعكسوني يقولوا لي يااخوانيه مش يااخونجيه ؛واللي كانت اكترهممعكسه لي كانت مسيحيه ووطني ؛
مش كل الناس المختلفه معاك فكريا
والمتضاده معاك حتي ؛ تستهدف مضايقتك.

ليه منلفتش النظر لده؟
ليه منعملهاش بنر ونضعها في مدونتنا لفترة حتي
وانا بأذن الله هكون أول واحده


بالنسبة لموضوع الفيلم
صراحه هو انا لا احفظ اسماء افلام ولا ابطال غالبا الا بسيط ؛خصوصا انى لما بتفرج بدخل علي نصف الفيلم علطول


فاللي فكراه انه كان سعاد حسني ونور الشريف وزملاء في كلية الطب


هذا والله أعلمD:

مسـتنـية الفـرج يقول...

حبيبتي بحب الحرية؛ سعدت بمرورك لاول مره بمدونتي
الا هما بيدلوعك يقلولك ايه؟


نور ؛ ربنا يخليكي لمصر

واضح ان الاسر والمحافظات اتجاها واحد

مسـتنـية الفـرج يقول...

أخ علاااااااااااااء


اولا شكراً لأضافتك مدونتي بقائمتك وده بعتبره شهاده قيمه جدا(لأنى مقتنعه ان مدونتى تعبانه لانى لا اهتم بها كفاية من ضغط الشغل ههههههههه)

ثانياااااااااااا
اخ علاااااااااااااااء
تقدر تقول لي أيه ده؟
http://ekhwangy.blogspot.com/
دي مدونة عندك

هااااااا واحد عامل مدونته بأسم
انا اخونجي
أعمل ايه في نفسييييييييييييي
اثبتنا كده بالدليل القاطع اننا بنقولها علي نفسنا دعابه!!
صح؟

غير معرف يقول...

فعلا و الله الكلمة دي بتضايقني اوي اوي اوي
و أول مرة سمعتها كنت في تالته ثانوي .. مكنتش عارفها فعلا
بس الفيلم اعتقد اللي سيادتكم بتقولي عليه اسمه الكرنك (A)
و زي ما سيادتكم عارفين ان الاخ عبد
الرحمن عياش بينقد اوقات فراغ و بيسمع اغاني .. فاسمعوا الكلام (A)
لأن نور الشريف مكانش اصلا في احنا بتوع الاوتوبيس
بس كفايه
(A)
سلامو

ياسر سليم يقول...

خلاص

انا مش معترض

انا اؤيد حملتك ضد كلمة اخوانجى

ولا بد ان نسمو بألفاظنا

وان نعلوا بلغتنا

_________________

مع انى مش شايف ان فيها حاجه

ياسر سليم يقول...

خلاص

انا مش معترض

انا اؤيد حملتك ضد كلمة اخوانجى

ولا بد ان نسمو بألفاظنا

وان نعلوا بلغتنا

_________________

مع انى مش شايف ان فيها حاجه

ياسر سليم يقول...

انا آسف التعليق جه مرتين

غلطة ماوسية

Bella يقول...

انا معترضة

معترضة على الاشتقاق نفسه

لايوجد في اللغة العربية والوزن الصرفي لاحقة تنتهي بجي

يعني اسم النسب لاخوان

إخواني

وليس اخوانجي

واعتقد ان اخوانجي او خمورجي التي قلتيها تنتهي بنهاية ليس من اصول الصرف العربي

مثل كلمة مكوجي دخيلة علينا من اللغة التركية

فقياسك الذي اورديته في طلب عدم استخدام كلمة اخوانجي قياس غير صحيح

والصحيح اخواني لانها كلمة عربية منسوبة لاخوان

اما كلمة اخوانجي فيستخدمها البعض على سبيل التندر كما يقولون كلمة وطنجي وغيرها من المشتقات الخاطئة اصلا

ارجو الا اكون قد ازعجتك بردي هذا

تحياتي

مسـتنـية الفـرج يقول...

أخ عبد الرحمن عياش
سبنالك الفن والافلام ؛ الكلمه فعلا زي مقلت مستفزه.
اخ ياسر سليم : يهمنى ان تعبر عن رأيك؛ هل تري إنها أفتكاسه؟ مثلا

bella :معملتش حسابي انى هقع في ايد حد متخصص ي اللغه D:
انا معاك تقريبا في كل ما قلتى
الا انه تبقي اللغة العاميه الناتجه عن الموروث الثقافي هي المقياس احيانا ؛ فكلمة اخوانجي ليست لغويه وبالتالي ليس لا يشتق منها او ما شبه
الا انه واقع يحدث
سواء تندروا به او لم يتندروا
فهي مستخدمه؛ خصوصا عند الامن ؛ وكذلك بعض الاخوة
جزيتي خيرا علي الايضاح

Bella يقول...

مرحبا عزيزتي

كويس ان ردي لم يغضبك

الحكاية مش تخصص ولا حاجة

هو بس مفروض كلنا يكون عندنا فكرة معقولة عن قواعد اللغة العربية حتى نكتب بطريقة سليمة

وكما قلت لك
من يستخدم كلمة اخوانجي يستخدمها على سبيل السخرية مثلها مثل من يقول وطنجي
كي ينزع عن شخص صفة الوطنية
او يقلل من وطنيته

فيقول فلان هذا وطنجي

اي يدعي انه وطني

ودرج الناس على الخلط بين هذه الكلمة وغيرها

رغم انها كلمة غير عربية

يعني هو جذرها عربي طبعا لكن اللاحقة التي اضيفت لها غير عربية

شكرا لسعة صدرك

تحياتي

مسـتنـية الفـرج يقول...

ولماذا يغضبني ردك bella؟
احنا حتي متفقين في الفكره ان اخوانجى تقلل من الشأن وووو
شكرا لمرورك واضافتك كثيرا:D

tamer afify يقول...

ايوة انا معترض
بس مش عارف انا معترض على ايه؟
المهم اننا نلاقي حاجه نعملها في البلد دي احسن ما نقعد ساكتين

تحياتي

Saad El-Shater يقول...

صح
لازم نبطل الكلمه دي خالص
وياريت الكل ياخد باله
وسلام يا اخوانيون

مسـتنـية الفـرج يقول...

أشرقت الأنوار واضاءت بمرو الاخ الفاضل وابن القيادي العظيم سعد الشاطر

وسعدت باتفاقك معي
تحياتي

احمد الجيزاوى يقول...

اول من ابتدع كلمه اخوانى او اخونجيه هوم العاملين فى عنصر عند الناصر عصر الذى شهد اتهاض لمسلمين الذى اراد عبد الناصر ان يلحق العار بكل ما هو اسلامى فمات والعار الهزيمه عبد 67 يلحقه ويغطيه ونتطرنا فى عام 73 بى كلمه الله اكبر
ومن نحيه حقوق الانسان من حق كل انسان انه يتنعت بالاسم الذى يحبه
اما من نحيه امن الدوله شكلك كدة مستنيه امن الدوله مش الفرج انتى مش افضل من خيرت الشاطر ممكن الامن ياخد البوست دة ويعتبر دة اعتراف منك ويعملك قضيه
وتبقه اسمه الاخوانجيه المسلمين
بس متنسيش تجبينى ادافع عنك اهى اى قضيه على متفرج يا مستنيه الفرج
احمد الجيزاوى

مسـتنـية الفـرج يقول...

ومحامين الأخوان راحوا فين؟؟؟
هجيبك أنت!!
استغفر الله
أنا هجيب علي الفيل هههههههه

محمد أسامة رسلان يقول...

بسم الله الرحمن الرحيم

هوَّ من ناحية الوزن: كلمة إخوانجي ليست على وزن كلمة خمورجي وليس معنى تساويهم في عدد الأحرف أو إشتراكهم في آخر حرفين أنهم على وزن واحد

ده حتة هامشية عَروضية إعتراضية حبيت مفوتهاش :)

لكن من ناحية إنها كلمة تضايق فهيَّ فعلاً تضايق وأتفق معاكي

بارك الله فيكم :)
محمد

Unknown يقول...

:)

انتى اختى المسلمة على اى حال
اول مرة ادخل مدونتك وعاجبنى اسمها جدا
ربنا يفرجها عليكى وعلى الجميع اللهم امين

سلامى وخالص حبى

شاويش يقول...

يا ستي

قالوا يا ابا علمني الرخامة قلوا تعالي في كلة حاجة ورخم

يعني هي ده مشكلتك اية الرخامة ده مش انت الي رخمة لا بس التدوينه رخمة قوي
يعني مصر والاخوان تعلوا من السجون ومفيش محاكم عسكرية وخلاص
يا بنتي انت في جماعة محظورة
محظورة
محظورة


كمان
يا ستي نور الشريف مكنش في فيلم احنا بتوع الاتوبيس ولا كمال الشناوي

هي ده مشكلة الاخوانيجية لما بيكلموا في السيما

يا اخوانجية
يا اخونجية

با اخوانجية

انحلت سيور العربه وسقط المهر من الاعياء يقول...

الاخوان هم فخر مصر كلها
بالعند فى
اليسار واليمين والوسط
وفعلا لازم نقول محدش يقول اخو نجيه
سلا م

مسـتنـية الفـرج يقول...

أخ الجحيم
براحه بس منغير نار


شاويش
انت لسه عايش ليه؟

إنسانة: ربنا يفرجها علي وعليكى

أخ محمد شمس: مرحبا بك


اري كده ان الكل متفق معي
سبحان الله!

طيب التالي؟

غير معرف يقول...

السلام عليكم ورحمة الله وبركاته

اختي العزيزة
كلمة اخوانجي لا يوجد فيها اي اساءة في الكلمة نفسها وانما المشكلة في شكل القول ومفهوم المتلقي
فالكلمة مستواحة من اللغة التركي وهم يضعون جي في اخر الكلمة بدل ي في العربي
وبمناسبة الخمورجي فهي ايظا مستوحاة من اللغة التركية هي وكل كلمة ينتهي ب جي
فلا يوجد علاقة بين خمورجي واخواني

تحيات تركية
جنان

د/ أحمد عامر يقول...

كلمة اخوانجية .... انا معاكي انها مش ظريفة
بس على فكرة ( جي ) دي اساسا اضافة تركية بمعنى صاحب أو عامل أو بتاع
انتي عارفة ان الاتراك كانوا في مصر
وزيها زي ... خمورجي ... مكوجي ... عربجي ... اونطجي .... وكده.. أظن فاهمين
سلام

د/ أحمد عامر يقول...

ايه ده
ده فيه ناس قالتها قبلي
ياللا مش مشكلة
أنا والله مش غشيتها
حتى بصي
أهي كانت على لساني اهي
والله جبتها لوحدي
ماتضحكيش ... أنا شايفك
ياللا بقى .... سلام

طهقان يقول...

انا معترض
لان



فيلم احنا بتوع الاتوبيس
ماكانش فيه كمال الشناوي




يمكن تقصدي
الكرنك


كمان شايف ان الموضوع مش مستاهل
مافرقتش يا ستي

مسـتنـية الفـرج يقول...

غالبا الكرنك

هاني جابر يقول...

انا اخوان
عشان خطرك بس وعشان متزعليش
وعشان متضربناش
انا معاكي في يجب ان نصحح اللفظ
بس علي فكره المهم المعني
هل احنا فعلا نستحق كلمة اخواني او حتي كلمة اخوانجي
هو ده المهم

bedo يقول...

شكلك على أخرك من الكلمة دي


وطبعا أنت حرة فيما تحبين


طبعا ده إلى جانب إنك معاك حق

فمش هنقول غير حاضر ونعم


يا إخوانية

ولو إني برده ما بقولهاش
إلا لو كانت بالهزار


وجزيتم خيرا

Monzer يقول...

بيقولوا على القوميين
القومجية
كانهم
بلطجية
عربجية
تمام كده

Alaa يقول...

بس مانتي مش شايفة
اننا لو عملنالها ضجة ممكن اصلا اللي مكنوش بيستخدموها يستخدموها
خالف تعرف
مجرد رأي :)

ده موضوع التجمع ياريت أعرف رأيك

المدوّن خانة

Alaa يقول...

بالمناسبة
تحبي اكتبلك في البانر اللي عندي
مستنية الفرج .. اخوانية و ليست اخوانجية :)
باهزر بس
:)
سلام

مسـتنـية الفـرج يقول...

ماشي يابشمهندس علاء
حظك انى كنت ملخومة يوم المحكمه
والا كنت ...بلغت عنك d:

هأجل موضوع المدونخانه لما ارجع من المصيف

أخ Monzer
تمام ياريس

هاني جابر: معاك حق المهم المحتوي
لا اختلف معك في هذا الجزء
bedo
مفيش حاجه اسمها حاضر وطيب
تمسك برأيك



حد يقوله حقوق الموطنه :d

خلاص كلكوت حقكوا علي
وعلي راي مجدي سعدي
المسامح كريم
وقوم ياابنى خد مراتك وروحوا البيت

مسـتنـية الفـرج يقول...

ماشي يابشمهندس علاء
حظك انى كنت ملخومة يوم المحكمه
والا كنت ...بلغت عنك d:

هأجل موضوع المدونخانه لما ارجع من المصيف

أخ Monzer
تمام ياريس

هاني جابر: معاك حق المهم المحتوي
لا اختلف معك في هذا الجزء
bedo
مفيش حاجه اسمها حاضر وطيب
تمسك برأيك



حد يقوله حقوق الموطنه :d



كفاية علي الموضوع ده كده

المجاهدة يقول...

عمرى ما حبيت الكلمة دي بردو :d
مش عارفة ليه بحسها طالعة يقصدوها كأنها شتيمة مثلأً :d

انا معاكي في المطالب دي :d

مسـتنـية الفـرج يقول...

ديما جوجو مسك الختام:D

ahmed mefrh يقول...

الموضوع من وجهه نظرى ليس ليست
بالاسماء و لكن بالافعال دائما
الا ان بردة كلمه اخونجى دى بردة مبتفكرنيش بس باحنا بتوع الاتوبيس و لكن بتفكرنى بمناظر الغرز و الحشيش و الشيشه

غير معرف يقول...

أنا شايف إن كلمة إخونجي دي أحسن تعبير لأن الإخوان كيف ومزاج عند أتباعهم ومحاولة لتحقيق الذات في وسط دولة خصيت شعبها فهو يتبعهم ليقال عليه إخونجي وبذلك يكون له مكانة ووزن في مجتمعه الذي سلب منه كل حرياته فهي بمثابة تحدي
لأنه لا يتبع مبدأ ولكن يمشي في قطيع يتخذ من الاسلام قوة إرهاب ضد حكومة فاسدة ومجتمع متخبط
هنيالكم يا إخونجية

غير معرف يقول...

السلام عليكم
مع احترامى للكل : اعتقد ان صاحب الدعوة يجب ان ينشغل بها وبتحقيق اهدافها ولا يلتفت الى مثل هذه الأمور وإلا لن نخلص منها ولو أحس المتحاملين منا هذا الانشغال لاختلقوا الكثير لذا انصح نفسى واياكم ان نركز فى دعوتنا .

وجزاكم الله خيرا

محمد مصر