سبت همى ورحت اتفسح ..لقيتة سبقنى وقالي هو انا مكسح!! ولكن..لا تقل يارب لى هم كبير ولكن قل ياهم لى رب كبير

الأحد، ٢٢ رجب ١٤٢٨ هـ

الجلسة احلي من افلام هنيدي وحلمي وربنا

انا مش هكلم في السياسة
انا هكلم في حاجة تانية خالص
اقسم بالله
انا كنت حسه كأننا طلعين رحله ولا ريحين النادي ولا بنتفرج علي فيلم سنيما
بس طبعا فيلم ممل اوى
اقسم بالله اللي كان بيحصل
كده بالضبط
زوجة معتقل: هاتي كوباة شاي معلقة سكر لطنط من الترمس
ابنه معتقل: ماما اعملي سندوتشات ؛ بس افتحي السندوتشات بايدك عشان خدوا السكينه بري
معتقل: هاتوا زجاجة العرقسوس والكركادية والكوبيات
شرطي بينده معتقل : قال له استني لما اصب الشاي
اكياس الشيبسي وزجاجات الماء وعلب العصاير تمليء كل مكان
سندوتشات تخرج من الشنطة فتوزع علي كل المجاورين كاننا في الجنينة
طلبت لب فخرجت وجدتهم في الكافتريا بيكلوا لب
واعطونى حبه كلتهم في الجلسه انا وابناء عصام عبد المحسن
وكان معانا كيس للزبالة
اه والله
معتقل قال: ايه رايكم في الفيلم ده
ابنائه وابناء غيره: ممله ومكرره مفيهاش ضحك دي هابطه
تريقة زي مثلا لما القاضي قال لما جابوا الخزنة مش بتتفتح
فقالت احدى الابناء: نفتح الخزنة المره القادمة
واللي بعدها يشوفوا فيها ايه
وواحده جيبة سبحة خشب ضخمة
خلتنا كلنا اتريقنا عليها
قعدنا في بعض الوقت نحكى طرائف المصيف
اتنين امام متلفتين للي ورا
وى مكنا بنقعد في المدرسة
لما افتكر نكته تانيه هقولكم
الي اللقاء في النكتة القادمة

هناك ٨ تعليقات:

احمد الجيزاوى يقول...

شر البليه ما يضحك
لا تعليق

belal يقول...

نفتح الخزنة المره القادمةواللي بعدها يشوفوا فيها ايه

واللي بعد بعدها..ماتطلعشي هيا الخزنة اللي عاوزينها
..
ربنا ياخدهم

غير معرف يقول...

والله بنت واحد من المعتقلين كل شوية تطلب من مامتها اكل
فقالت لي: معرفش ليه الجلسة بتفتح نفسي علي الاكل رغم ان ماما بتتحايل عليّ بالبيت
D;D:

مستنية الفرج

momken يقول...

شر البيليه ما يضحك
القيش حقنه فتامين سى

mohamed يقول...

يسلام

هو دا يا حبيبة اللي عايز اقوله

دي مش محاكمة

دا زي اللي رايحين جونينة الحيونات

وأخر ملل واستهبال وخنقه

دي لا محاكمة ولا ليها دعوة بالمحاكمات اصلاً


وعلي راي واحدمن اباء المعتقلين


اااااااه يا بلد

نـــــــور يقول...

ههه!!
نو كومنت خالص

آن الأوان يقول...

السلام عليكم

ولو حد عاوز ينام ممكن او يقرأالجرايد

حسبى الله ونعم الوكيل

مواطن زهقان يقول...

نوكومنت
ياريت تشرفينى فى مدونتى