سبت همى ورحت اتفسح ..لقيتة سبقنى وقالي هو انا مكسح!! ولكن..لا تقل يارب لى هم كبير ولكن قل ياهم لى رب كبير

الجمعة، 12 صفر، 1428 هـ

لــــيــــه مســــــتنية الفــــــرج؟؟

السلام عليكم ورحمة الله وبركاتة
اخيرا وبعد صراع مرير مع المرض قصدى البلوجرز
وبعد 99 محاولة
وبعد ما إنتحرت منى ربة السيف _ربنا يكرمها بصراحة
خرجت بلوجى للنور
وقالولى انى فى اول بوست لازم اقر واعترف انا ليه اختارت الاسم دة
وتحت وطأة تهديد السلاح قصدى الزملاء هقر واعترف
فى البداية زميلى قالولى الاسم هيفهم منة انى مستنية الفرج بالجواز
ولكن "مستنية الفرج" تقريباً لزمة على لسانى
" لما بتسأل اسئلة كتير بتكون اجابتها"مستنية الفرج
سواء اسئلة شخصية او اسئلة سياسية
يعنى فى ظل الوضع السياسى الحالى ممكن نقول"امتى الفجر"؟ وهنفضل كدة نستنى لحد امتى فتكون الاجابة
مستنيين الفرج
اما الاسئلة الشخصية زى هتعملى كذا امتى بقول ربنا ييسر ؛يعنى مستنية اية!! بقول مستنية الفرج
وبصراحة الاسم كمان يعبر عن واقع فعلى فى حياتى اللى فى كلها بستنى الفرج من عند الله فعلا فعلا
ربنا يفرجها علينا وعليكم
قالولى كمان لازم اقول المدونة هتحتوى على إية
صراحة هى هتكون خواطر وانطباعات ومواقف وممكن تساؤلات
يعنى هنخبط فى الحلل شوية الصوانى شوية
يووو اقصد السياسة شوية والشعب المطحون شوية تانية
بس اعذرونى انا مش هضيف يوميا شىء لانى بشتغل
بشتغل ايه دى هنحيها شوية
وكفاية رغى كدة لحسن تزهقوا منى من اولها

هناك 6 تعليقات:

شمس الدين يقول...

الف الف مبروك المدونة

و بعد ما تظبتي الالوان

اعتقد انه هيكون ليها مستقبل و ستكون من المدونات المرموقة

ربنا يوقفك يا رب ... و كويس اني اول واحدة اعلق عندك في المدونة

تحياتي :)

sabrina يقول...

مبروك علي المدونه
مستنين أول بوست!!!!!!!!

حبيبة محمد يقول...

ربة السيف
تعبتى كتير انا عارفه ربنا يخليكى لامثلنا

صابرينا ؛هلا بيكى ومرحبتين
وثانكس على ترحيبك وتشجعيك

يعقــــوب.... يقول...

مبروك.أنا شفت العنوان بتاع المدونة من عند ربة السيف و قلت شكلها هتكون مدونة مريحة من النوع الخفيف...و يارب تفضل كده

مسـتنـية الفـرج يقول...

هلا اخ يعقوب
ويارب تفضل المدونة "لايت"كما تتمنون

محمد صلاح العزب يقول...

حلو الشغل ده
انتي بتعملي صحافة فين؟
عموما دماغك عجبتني
أحييكي