سبت همى ورحت اتفسح ..لقيتة سبقنى وقالي هو انا مكسح!! ولكن..لا تقل يارب لى هم كبير ولكن قل ياهم لى رب كبير

الثلاثاء، 26 جمادى الأولى، 1428 هـ

البلطجة هي الحل...رمز البلطه

بجد بعد نهاية الانتخابات
مفيش تعليق يتقال عليها غير ان المفروض الاخوان يرفعوا شعار البلطجى هى الحل في زمن لم يعد فيه شعار الاسلام هو الحل يسير مع قطيع من الاغنام
بجد اللي حصل كان فوق الوصف
اعتقال فتيات
اعتقال مرشحين
شرب ابن عضو مجلس شعب
متمرمط عضو مجلس شعب
فضلا عن الاعتقال اللي بالمئات اللي تخلله طرائف كثيرة
اذكر منها علي سبيل المثال لا الحصر اعتقال شاب يصلي باعتبار انه مؤيد لمرشح الاخوان واكتشوا في القسم انه وطنى!!
من اكثر المواقف طرافه كانت منح مرشح الاخوان بالفيوم 28 صوت لاغير
رغم ان هذا الرجل عنده 8 ابناء و33 حفيد
يعنى لو قلنا نسيبة واولاده واهل مراته واهله وجيرانه وزميله في الشغل ومدير حملة الدعاية والعاملين بالحملة
ميجيش ابد الرقم ده!!
غير مرشح تانى واخد 1000 صوت
قالي مهو اصلي دافع 1000 جنية تأمين في الأول فادوله علي كل جنية صوت!!
لابجد بجد بلد مهزلة
المرشحين سابوا الفرز لما لقوا العكككككككككككك مركز
وفي ناس سابت الفرز لانهم منعوهم
وفي ناس لقوا الأهالي بتفرز مع المختصين
يعنى فكرينها حادثة ودي الجتت
وهيساعدوا بعض فيها!!
جميل اوى المرشحين اللي بنكلم بليل يقولوا لنا احنا نايميين من بدري
انتخابات ايه اللي بتكلموا عنها! دي كانت مهزلة
الألطف المرشحين اللي مهتموش يعرفوا عدد اصواتهم كام
ولا المرشح اللي قالي احنا استفدنا كتير من الانتخابات دى" أن تعدوا نعمة الله لا تحصوها"
ولا التاني اللي قالي اللي حصل ده " بهتان عظيم"
وطبعا الفيديوهات كانت رائئئئئئئئئعه
واثبتت بما لا يدع مجال للشك ان
عمــــــــــــــــار يامصر
لكن في النهاية عايزة اسأل
ياتري شعار "البلطجة هى الحل" شعار ديني ولا سياسي؟
:( وانا من مكانى ده امام جهاز كمبيوتر بانتيم 4 باين وبشغلة بالبطارية القلم
برفض التوريث لتامر أمير جمال مبارك

ليست هناك تعليقات: