سبت همى ورحت اتفسح ..لقيتة سبقنى وقالي هو انا مكسح!! ولكن..لا تقل يارب لى هم كبير ولكن قل ياهم لى رب كبير

الأربعاء، 27 جمادى الأولى، 1428 هـ

تاج السلطانية....هلبسه


الحقيقة جالي تاج من حبيبتي أروي الطويل



وكنت مطحونة ومش رديت عليه



لكن الآن هرد وبعتذرلك حبيبتي علي التأخير




وشكرا ليكى يا اراوره




اول سؤال
أنت مين؟




أنا ..!! بشر لا اختلف عنهن في شىء..ولكني منهن!

أنا..!! مركبه في قلب الماء تحاول ان تشق طريقها بين الامواج المتلاطمة

فتتقاذفها احداهم شرقاً وتتقاذفها الأخري غرباً

وتظل تنظر الي الشاطىء...وتسعي اليه لترسوا بين احضان رملاته
حيث الامان المنشود...والامل المعهود..والحلم المفقود


ايه الفلسفه دييييييييييييييييييييييييييي

طيب منغير ضرب

انا صحفية
او هكذا قيل لي


من بنات حواء

ولكنى اخوانية
امارس العمل السياسي
ولا اعبء لأعتقالي

اخوانية القالب الي حد ما

والقلب بعض الشىء

مين اكتر ست شخصيات بتحبهم؟



سؤال صعب

اكيد انتيماتى كلهم


ورفيقات دربي اللواتى افترقت عنهن بفعل الايام الغادرة

والحياة اللاهية
ولكن..ظللن يحملن نفس المكان بقلبي وذكرياتي..وسنوات عمري المضيئة


أنت سعيد؟

السعاده تعرف علي انه شعور يغمرك لبعض الوقت

ولكن اري انها لا تدوم


فالسعادة الحقيقة هى الهدنة الداخلية التى تولد داخلك سكون يولد رضا بقضاء الله

وقتها ستدع الامواج تتقاذفك وانت تشعر انك منتصر وسعيد


لان هذا هو تقدير الله لك

يسيره كيف يشاء

فأنا أمته

وأنت عبده

ومن حكم في ملكه ما ظلم






لو أجتمعت أنت وحسنى مبارك فى غرفة واحدة هتقوله ايه؟







لا ادري







ولكن سأسأله

هل اعددتك نفسك لكى يقتص منك كل شعبك الذي يزيد عن السبعين مليون

ستقف امام الله ويتبادل عليك 70 مليون

هذا نهب ماله

وهذا ماتت امه بسبب مرض اصيبت به في المستشفيات المهملة في ظل عهدك العظيم

وهذا انتحر بسبب انه عاطل

وهذا لم يتزوج بسببك
وام ابنها قتل بسبب اهمالك

وووووووووووووو

القائمة تطول ياجناب الأمور






لو معاك مليون ونص هتعمل بيهم ايه؟

اكيد هعمل مشروع اخلق منه فرص عمل

مش هيهمنى انى اربح واطلع بعائد بقدر مهيهمنى انى اشغل الشباب مقابل دخل مناسب لهم

يرفع عن كاهلهم شبح البطالة

ويجوزا وينتشلوا انفسهم من عالم العزوبية ومعهم سينتشلوا فتيات من عالم العنوسة





بتحب مصر؟

مصر!!

السؤال مفروض يبقي هل مصر بتحبك؟
لانى بدلها انا وغيري كتير اوى
وهى مش بتدينا...بتقسي علينا
زى مفاروق جويدة قال

بخلت يوما بالسكن واليوم تبخل بالكفن...............ماذا دهاك ياوطن؟



بتحب البنات؟

ده سؤال اظن للولاد
انتم فهمنى غلط(:


أنت مسلم؟

مسلم بمعنى؟ السؤال ناقص
مسلم في البطاقة؟ أه

مسلم الجدور؟ أه

مسلم القلب والقالب؟ ده اللي بحاول اكونه واسأله الله ان يرزقني أياة


مسلم العقيدة؟ ده حلم ربنا يرزقهونى انا كمان


ليه؟

ده سؤال صعب


أيه اكتر موقف محرج أتعرضت ليه؟



ااااااااااااااااااااااااااااااااه بلاش حد يفكرني


كنت في المترو

ولقيت واحده ست واقفه علي جنب واظنها بتعيط اوكاانت

لان انفها كان احمر

فقربت منها اديلها حاجة علي انها شحاته
راحت مسكانى بيسانى
وقالتلي شكرا ياحبيبتي علي مشاعرك الرقيقة دي

فانا بصيت لها بكل نرفزة وكأني هديها علي وشها وقلتلها


اما كنت بتعيطي ليه؟

قالتلي لا دانا معايا ابنى وراح يجيب لي التذكره

فلسه هقول الشهادتين



لقيت ابنها جنبي...مقاس 6 في 9

وسايح من الضحك

وأنا هموت


اتصرفت ازاى؟

اعتذرت ومشيت.. وانا بقول ياحيطه داريني

ومن احراجى ركبت اتجاه غلط عشان امشي عكسهم

بس لجل البخت اكتشفت بعد منزلت

وطلعت ابدل وقابلتهم علي السلم وبصيت الناحية التانية ومكنش في غيرنا علي السلم


أيه الامنية اللى بتدعى ربنا انه يحققها ليك؟


يرزقني حبه و رضاه

وقتها هيرزقنى السعادة
والسكون النفسي

والرضا
والصبر
والاحتساب
وهبقي وقتها عايشه فعلا مش خايفه من اى شىء

هحس بالمعية بجد


هبقي مسندوه:)


خلااااااااااااااااااااص خلصت الاعترافات ليلية


أمرر التاج لــــ


نورا....سحر الشرق

هناك 27 تعليقًا:

واحد من الإخوان يقول...

بداية ان بشكرك جدا على إنك حولتي التاج ده عليه
وربنا ييسر اعرف ارد عليه بصراحة
-------
اجمل إجابة عجبتني بصراحة
هي إجابتك عن سؤال السعادة
جميلة من حيث الطريقة وعمق الفكرة اللي فيها

وتاني حاجة عجبتني
موقف المترو
صحيح حظوظ ههههههههه

يلا متشكر على تحويل التاج مرة تانية

محمد حمزة

المجاهدة يقول...

جميلة اجاباتك بجد
:)
حسيت انك بتطلعي فكرك و عقلك مع كل اجابة ... مش اجابات و السلام
:)

ربنا يبارك فيكي يا درة :d

هيا درة صح هنا ولا هناك؟؟؟؟ :d

ربنا يعزك يا رب

هاجاوب عليه في اقرب وقت ان شاء الله :)

belal يقول...

لأ ماشاء الله الأخوات عندهم وطنية ومستعدين يضيعوا فلوسهم عل الشباب

....
نحن على أتم الاستعداد

نـــــــور يقول...

:D

موقف المترو بجد جامد .. واجابات كلها جميلة .. ربنا يرزقك السعادة ويديكي المليون جنيه ونص ..ومش تنسيني في جنيه حتى :D

وجزاكِ الله خيرا على تحويلك التاج ليا
وهجاوبه قريب إن شاء الله

((عبير القدس))

مسـتنـية الفـرج يقول...

اخ محمد حمزة
لاشكر علي واجب ؛وبهديلك والمستمعين موقف المترو:)

مجاهدة
دره هناك اما هنا أنا حبيبة
بس والله فعلا؛قلبت معايا غم لما جيت اجاوب معرفش ليه,,,,يلا ورينا ابداعك

اخ بلال: لا الاخوات مش وطنيين اوى
ده بس عشان نخلص من اطنان البنات اللي في اربيزنا

نور حبيبتى
موقف المترو بردوا بهديه لك انتى والمستمعين ؛ بس الله يكرمك جوبي التاج بعد الامتحانات؛ مش ناقصين اصابات
ربنا يرزقك انتى كمان السعاده في الدنيا والآخره

علاء يقول...

اجابات راقية
ربنا يباركلك و يحفظك و يدخلك الجنة

محمد النجار يقول...

واضح من الاجابات انك عقلية كبيرة اوى جزاكى الله خيرا

The Groom يقول...


اجاباتك قوية جدا جدا

مقدرتش اكملها من قوتها بس متوقع بشدة حتقولي ايه

على العموم جزاك الله خيرا عن الاسلام

تحياتي لك من ماناساس البلد

محمد العنانى يقول...

حلو اوى اجاباتك
ومدونتك كمان حلوى
ربنا يوفقك
تحياتى

قلب أبيض يقول...

ندعوكم للمشاركة معنا فى
( الملتقى )
ملتقى امدونين
ملتقى الافكاروالاراء
فى مدونة واحدة تجمع افكارنا
تسعدنا مشاركاتكم معنا

غير معرف يقول...

مجهود جميل جدا الاسلوب جميل ترتيب الافكار كويس بس فى اقتراح يعنى فى مواضيع كتير شبابيه او حتى عامه تستحق الخوض فيها جزاكم الله خيرا واتمنى ان ماشوفكيش خلف القضبان ابدا حاتم ثابت

نقطة مية يقول...

انا قلت آجي ازور و اثبت اواصر المعرفة
تحياتي و شرفت بمعرفتك كثيرا

صاحب البوابــة يقول...

اجابات جميلة

تعكس شخصية رقيقة

تحياتي

sharkawoo يقول...

ما شاء الله :)

إيه الإيجابات دي :)


بس بالنسبة لما تقعدي مع بابا حسني .... حاولي تشوفي حاجات مشتركة ... لانه الكلام البسيط دا مش هيفرق معاه :)

حاجة كدا زي نقاط الإلتقاء مع علاء :)

ربنا يعينكم لكل خير :)

عمرو المصري يقول...

الي اولئك الذين المتهم صور اقتتال الاخوة الاشقاء في فلسطين


الي كل من تخيل ان الاخوة الاشقاء باعوا القضية لاعدائهم واجهزوا علي ماتبقي منها


الي كل من انجر وراء حملة التضليل الاعلامي التي ساقوها علينا

الي كل ساع الي الحقيقة

الي كل هؤلاء اهدي

التبيان في اقتتال الاخوان

تجدونه فقط

في

ارض الحرب

Rodrigo يقول...

Oi, achei teu blog pelo google tá bem interessante gostei desse post. Quando der dá uma passada pelo meu blog, é sobre camisetas personalizadas, mostra passo a passo como criar uma camiseta personalizada bem maneira. Até mais.

صاحب البوابــة يقول...

الأخت الغالية مستنية الفرج

كان هذا رد سيادتك على مقالي :

-------------

الأخ الفاضل المبجل
تحيه طيبه وبعد
اولا حضرتك سبق وزرتني في مدونتي فأطن أن حضرتك عارفني
ثانيا بقي وده الاهم
انا واحده من اللي كانوا واقفين في المشهد الثاني في الدوره ؛ ده مش كده وبس دى كمان مصورنها فيديو

بس الاهم والاهم
ان انت عملت زي ولا تقربوا الصلاه

لا انت عارف ولا فاهم احنا بنتعامل مع بعض ازاي
واسمح لي اسوق لك عدة دلالات علي سرعة حكمك وخطأه
اولا: "الخناقه " كما اسميتها انت _ كانت بين اتنين واحد اسمه علي (ينمتي لمركز سعد الدين ابراهيم )وواحد اسمه الجيزاي اخواني (صاحب مدونه وصاحبك)
بعد مخرجنا من الغرفه بتاعة الغداء كنا بنضحك
وقلت لعلي كلام اعرف هو زعلان ولا لأ
قالي لأ وكان بيضحك
الاهم ان تاني يوم صباحا
الجيزاوي وعلي مع نفسهم اعتذروا لبعض
واعلنوا ده امامنا (في مشهد يوحي انهم كانوا بيتسلوا علي بعض كلعب)
والجيزاوى قال بتهريج انه كان بيستفزه وعلي قال اصل جيزاوي بارد وانا عصبي وكانوا بيضحكوا
وفي اليوم ده علي تعب جدا ؛واللي كان بيحاول يهتم به تخيلوا من!! الجيزاوي

لقطه تانيه هى تغيب علي النهارده عن الدوره لظروف
فالجيزاوي قال لي والله وحشنى ...مفتقده ومفتقد النقاشات معاه ...هو الوحيد اللي بيتلاقي معايا فكرياً

مش هعيد الكلام

انا هكمل بلقطات معي وانا اخوانيه كما تعلم

معانا بنات واولاد من الوطني مسلمين واقباط
هنقل لك عن لسانهم كلام؛ واحده منهن قالت لي انا بصراحه مكنتش اعرف انكم كده خالص كنت فكراكم زي عندنا في البلد مبيعملوا عايزنا نسلم ونقعد في البيت وبيتوعدوا بده ؛وأنا وفلانه الاخوانيه بقينا اصحاب خالص

لقطه اخري بينى وبين فتاه من الوطنى
هى فتاه رقيقه مهذبه
لاتنتمى للوطنى قلبا وانما قالبا ولها اهداف قد تحترم من انتمائها له ؛ انا وهي نكاد نكون القط والفأر مازززززززززحين
مثلا لوت زراعي ؛فقلت لها طبعا ماانتم وطنى ثم استدرت لها وناديت اروي الطويل وقلت لها صورينى والاخوان بيتعدي علي الوطنى حبه من الضرب اللي بناخده ومره من نفسنا
وقفزت علي رجلها فاتوجعت قلتلها لو متى دلوقتي هتبقي قضية رأي عام وهنشتهر
قالت لي مازحه انا مش عايزه اتشهر انا عايزه اروح الجنة
فاستكملت دعابتنا السياسيه وقلت لها طول ماانتى ماشيه في السكه دى اوعدك نهايتك ..............الجنة ان شاء الله


هكذا يكون مزاحنا طول الوقت
مثلا لو جلست الي جواري فرد من الكرامه واخر وطنى واخر غد نمزح ونقول اجتماع كل الاطياف السياسيه ؛خليه جديده تتكون من الاطراف السياسيه


بل ان فتيات الوطنى هن اكثر فتيات اعجبن بنا واهتموا بالتواصل الدائم فيما بعد الدوره التي امضينا منها 4 ايام فحسب!!


ادعوك وهو حقنا عليك لأنك أسأت لنا
ان تعتذر
لاننا فعلا نتحاور حوارات تليق بشباب الاحزاب ولا نسب بعضنا كما اتهمتنا ابدا
ولم يكن من حقك ان تتحدث عنا بتلك الطريقه ؛ودون ان تدرك الصوره كامله
انا لي عندك حق

وللعلم سنصور علي والجيزاوي وهم يتسلون معاً وننشرها ...كنت اتمنى ان يدخل علي ليرد ولكن تغيبه اليوم منع ذلك
لعل يعرف غدا ويشاركنا الحوار

انتظر اعتذارك

-------------------

وهذا هو تعقيبــــي :

1- أشكرك بداية على أسلوبك في إتهامي بقولك ( ان انت عملت زي ولا تقربوا الصلاه

لا انت عارف ولا فاهم احنا بنتعامل مع بعض ازاي )

وكأن كل ما فندته من نقاط في ردي على اختي الغالية أسماء العريان لم يكن كافياً لتوضيح الأخطاء التي وقعتن فيها كأخوات يشار اليهن بإنتمائهن الواضح الى جماعة عظيمة كجماعة الاخوان ...

2- للمرة الثانية سأقتبس كلامي الذي رددت به على الاخت أسماء العريان وهو ( سيادتك توضحين قائلة ان الخلاف كان بين أخ من الإخوان وبين ممثل حزب الغد , وهذا لعمري خطأ آخر جديد , فالخلاف كان بين ممثل حزب الغد ومدون اسلامي فاضل لا توجه له ( ليس من الاخوان المسلمين )صاحب مدونة أنا بحبك يا مصر - أحمد الجيزاوي -

إذن ماتم هو حوار بين تيارين مختلفين ليس احدهما الاخوان المسلمين , إذن مما سبق نجد أن الاخوات قد تم إقحامهن في حوار سيئ المستوى لا ناقة لهن فيه ولا جمل !!! )

3- وحتى لو كنا إفترضنا أن الحوار يتم بين أخ من الأخوان وممثل حزب الغد , فبصراحة أنا من منطلق كوني مدون ذا مرجعية إسلامية , فإني لم أكن أحبذ دخول الاخوات الفاضلات في هكذا نقاش مهترئ يشبه عراك الشوارع !!!! إنني أترفع عن أخلاق فتيات الإخوان ان تنجرف الى الدخول في مهاترات يكون الغالب فيها العالي الصوت الجهوري لا القوي الحجة !!!

4- سيادتك خرجتي عن الموضوع الاساسي وجلستي تروين لي في حكايات لا علاقة لها بالموضوع احداها ان على قد مرض فجلس أحمد ليمرضه !!! واحداها ان فتاة من الحزب الوطني قد لوت لكِ ذراعك !!!

وما دخل كل هذه الحكايات التي تعدت 7 حكايات بحوارنا الذي أدين فيه اسلوب الحوار ( فقط اسلوب الحوار ) وليس عدم وجود قصص مسليه بينكم ؟!؟!؟

5- للمرة المليون أدعوكِ لإعادة قراءة المقال كاملاً بتمعن , لتدركي أننى ما قصدت إنتقاده هو اسلوب الحوار الذي يكون فيه المنتصر هو صاحب الصوت العالي أو سليط اللسان الذي يلقي بالاتهامات جزافاً , وليس صاحب الحجة والبرهان !!!

6- من حقي الكامل ان انتقد ما اراه خاطئاً من وجهة نظري , خاصة إن كان يمس قطاعاً كاملاً من أصحاب الفكر الإسلامي وهم الإخوان المسلمين الذين أحترمهم ...

7- علمني والدي أن أعتذر عندما أخطئ فقط , لا أن أعتذر عندما يُطلب مني ذلك !!!

بالمناسبة أن لا أخجل أبداً أن اعتذر عندما أخطئ !!!

تحياتي أختاة

صاحب البوابــة يقول...

أختي الغالية مستنية الفرج

هذا هو ردي على تعقيبك الجديد في مدونتي

1- بداية أنا لم أقل ابداً انكن أهنتن حجابكن أو دينكن أو أي شئ ...

2- يا سيدتي أنتِ تخلطين الأمور , فمرة تقولين أن احمد الجيزاوي إخواني ومرة لا !!!!

عموماً أنا معك للنهاية , هناك فرق كبير , بين أن يكون الحوار حول الاخوان فتقبلين التدخل فيه بشروط واساليب المحاور الاخر , وبين أن تضعي شروطاً مهذبة للحوار تجعل من فكرتك التي تدافعين عنها نموذجاً مجسماً في التحضر ...

كمثال : الجميع منا كمسلمين ( يودون ) الدفاع عن الاسلام عندما يساء اليه , لكن هل يتم الدفاع عنه وفق آليات من يهاجمه ؟؟؟ أم يتم الدفاع عنه وفق منهجياتنا الاسلامية الواضحة ؟؟؟ وهل كل من يدين بالاسلام قادراً عن الدفاع عنه ( حتى وإن أراد ) ؟؟؟

أرى أن أسلوب الحوار الذي تم كان وفق آليات الحوار الذي وضعها المحاور الاخر ( ممثل حزب الغد ) وهي آليات تختلف تماماً عن آليات الحوار الاسلامي المفترض أننا نقدمه ( في حوارنا ) كنموذج لفكرنا المستنير ...

3- هذا الذي تسميه فلت للجام , كان اسلوب قذف في فكر جماعة الاخوان المسلمين , وإتهام لهم بالعمالة للنظام الحاكم الفاسد , والقاء تهمة مهادنة النظام !!!

كل هذا كان يتم وفق مقومات للحوار عمادها الصوت العالي , وسنامها اتهام الاخر بأنه لا يعي شيئاً مطلقاً , وهل بعد هذا سباب ؟؟؟

أنا قبل ذلك لم أوضح التفاصيل لأنها لا تهمني , لكن يبدو أن سيادتك قد تصورتي ان السباب مقصور على الالفاظ البذئية التي تستنخدم في الازقة والحواري !!!

وكأنه كان المفترض في ملتقى لتثقيف الشباب سياسياً أن يكون هناك تداولاً لمثل هكذا ألفاظ !!!!

4- أما عن قولك بأنني نشرت إتهامي لكم على الملأ , فأرجو أن تراجعي مقالي وستجدي أن لم أنشر إسماً واحداً , خاصة أنني أعاملكن كأخوات فاضلات لي ...

5- أما عن أن الكل قد أخذ كلامي كأمر مسلم به , فهذا قد يدل سيادتك على مصداقيتي الواضحة التي يعرفها الجميع والتي لن أقبل ان اضيعها بنقل شئ غير صحيح ...

تحياتي اختاة

علاء يقول...

أنا محتاج رأيك بخصوص الموضوع ده

تجمع مدوني مصر .. حقيقة قابلة للتنفيذ أم حلم بعيد عن الواقع

مسـتنـية الفـرج يقول...

الأخ الفاضل صاحب البوابه
مرحبا بزيارتك الثانيه والأخيره لمدونتي ؛ لأني أرفض الدخول في جدالات عقيمة
يحمل صاحبها اهداف لا احبذها
وحين تجاهلت الرد عليك بمدونتك وامتنعت عن التعقيب
جئت تنقل "الجدل" هنا
وكأنك ترغب أن تبحث عن الجدال معي بأي طريقه!!
حقيقة تثير استغرابي وتعجبي !!
حسناً لم ترد علي تعقيب الأخير الذي اثبت فيه انك انت من تخلط الأمور وتضخم الفسافس ؛ورجاء الا ترد

تحياتي

مسـتنـية الفـرج يقول...

انت اصلا مش تعرف ان انا من كنت اتحاور لحظة دخولك ؛ واسماء واروي كنا صامتات
الاهم انى هتعرض لتفاصيل الكورس في تدونتى التاليه
باذن الرحمن

مدونه انا بحبك يا مصر يقول...

التاج جميل وحلو الاجابات كانت حلوة وخصوصا الوقف المحرج ههههههههههههههههههههههههههههههههههههههه
بس الاجبات تدل على شخصيه جيدة
احمد الجيزاوى

مسـتنـية الفـرج يقول...

الأخ احمد الجيزاوي في مدونتنا المتواضعه
ياخبرررررررررر
اشرقت الانوار واضاءت
بس وانت ماشي الله يكرمك خد اى حد بيتخانق في ايدك>>ويبقي لك الاجر والثواب عند الله

مدونه انا بحبك يا مصر يقول...

انتى تامرى اى حد عوزانى اخدة معاكى هخدة


عموما بخصوص التغطيه انا مستيكى علشان هربط التغطيه بتعتى بتغطيه تبقه تغطيه مكامله لو دخلتى اروة واسماء معانه تبقه تمام بس شكلهم كدة هيتاخرة عموما هستنه واشوف لو اتخرة نبقه نستناكى لو اتخرتى انتى كمان هبقه انشر لوحدى
احمد الجيزاوى

ياسر سليم يقول...

التاج ده لف وجالى فى الأخر

مسـتنـية الفـرج يقول...

مهو كل نفس مدون ذائقة التاج

غير معرف يقول...

A片,A片,成人網站,成人影片,色情,情色網,情色,AV,AV女優,成人影城,成人,色情A片,日本AV,免費成人影片,成人影片,SEX,免費A片,A片下載,免費A片下載,做愛,情色A片,色情影片,H漫,A漫,18成人

a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍

情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品

A片,A片,A片下載,做愛,成人電影,.18成人,日本A片,情色小說,情色電影,成人影城,自拍,情色論壇,成人論壇,情色貼圖,情色,免費A片,成人,成人網站,成人圖片,AV女優,成人光碟,色情,色情影片,免費A片下載,SEX,AV,色情網站,本土自拍,性愛,成人影片,情色文學,成人文章,成人圖片區,成人貼圖

情色,AV女優,UT聊天室,聊天室,A片,視訊聊天室


UT聊天室,視訊聊天室,辣妹視訊,視訊辣妹,情色視訊,視訊,080視訊聊天室,視訊交友90739,美女視訊,視訊美女,免費視訊聊天室,免費視訊聊天,免費視訊,視訊聊天室,視訊聊天,視訊交友網,視訊交友,情人視訊網,成人視訊,哈啦聊天室,UT聊天室,豆豆聊天室,
聊天室,聊天,色情聊天室,色情,尋夢園聊天室,聊天室尋夢園,080聊天室,080苗栗人聊天室,柔情聊天網,小高聊天室,上班族聊天室,080中部人聊天室,中部人聊天室,成人聊天室,成人