سبت همى ورحت اتفسح ..لقيتة سبقنى وقالي هو انا مكسح!! ولكن..لا تقل يارب لى هم كبير ولكن قل ياهم لى رب كبير

الأحد، 10 جمادى الأولى، 1428 هـ

انت فكرني مصرية؟... وإتفاقية تصدير الجواري!!

ايوة انا بسال بجد...بدل مهقولك انت فكرني فلبينية دلوقتي العرب كلهم هيقولوا انت فكرني مصريه؟
مهو اصل القصة ياحلوين ان ماما عائشة عبد الهادي وزيرة القوي العامله صعب عليها حال الاسر اللي بتجري عليها الستات؛ فقالت منسفرهم هما كمان للخارج زى مبنسفر الصنيعية؛ بس للاسف المرة دى ضربت سهم في مكان غلط
ضربت سهم اصاب شرفنا
ايوه ليه بقي ...اصبروا علي هقول اهوا
المهم ماما عائشة اللي هي ست ومفروض تحس بالستات
تعاقدت علي تصدير 120 الف خادمة للملكة مصرية للملكة السعودية
غطيني يا أمي وصوتيييييييييييييييييييييييييييييييييييييي
لا استني اسمعي الباقي عشان الصويته تبقي جمله مش قطاعي
حكومة عائشة تعاقدت علي ان مرتب الخادمه المصرية يكون ما يقرب من نصف مرتب الخادمة الفلبينية
يعني الفلبينية بعد كدة هتقول للمصرية تعالي اشتغلي عندي
لان الفلبينية هتاخد 1500 ريال اما المصرية هتاخد 800 بس!!
ياجماعة دي مصيييييييييييييييييييييييييبه
الخادمات القادمات من آسيا ..قادمات من بلاد ليست مسلمه
المصيبه اننا بلد مسلمه والشرف عندنا اغلي من قرطاس اللب...مهو ده الوضع الجديد بعد التعديلات الدستوريه ؛
وفي ظل الحكومة الرشيدة النظيفة العزعزيه
لان اقنعونى تحت أي مبرر ازاى هتدافع عن نفسها ووهي وواحد في شقة واحدة
ايه اللي يضمن انه ميحطلهاش مخدر؟
طب هتقولوا هتروح السفارة؟
نفسي اقول كلام اخلاقي منعاني منه لكن المهم
طالعتنا الجرائد اليوم عن السفاره الكويتيه مثلا انها قالت لعاملين لجأوا اليها هتستحملوا ان تنعتوا بالعبيد ولا نرحلكم؟ بدل ميجيبوا لهم حقهم!!
السفاره الان لن تكون اكثر اكراما للمواطن المصري اللي بيهان في الداخل فلما لا يهان بالخارج؟
هتقولي مشكلة البطاله و22% من الأسر تعولها أمرأة
هقولك تجوع الحره ولا تأكل بثديها
وهقولك هو ده بقي البرنامج الانتخابي بتاع جناب الريس؟ هو ده قضاءه علي البطاله؟
اااااااااااااااااااااه يابلد
بعد مكنا بنصدر العلماء والمدرسين والمهندسين والأطباء وأساتذة الجامعات
الآن هنصدر الخادمات
انا عمري مشفت حكومة بتتاآمر علي شعبها زي حكومتنا
غاوية تجيب مرخرنا الأرض...أه وربنا
لا خد النكته دي بقي
الاتفاقية دى جت بعد رفض اقامة جسر كان هيربط بين السعودية ومصر
ورفضت الحكومه اقامت الجسر دون إبداء أي اسباب أو مبررات
رفضت الحكومه جسر كان هيعمل فتح اقتصادي
رفضت الحكومه حتي مجرد المناقشة
وهو نفس اللي حصل لما طالب الاعضاء مناقشة عائشة فرفض فتحي سرور الاستجواب
عائشة اللي حبت تدخل التاريخ من أوسع أبوابه
بس للاسف أقذر أبوابه
بتتاجر بشرف بنتنا وبتخاطر بيهم
انا لا اشكك في أخلاق تلك الفتيات الفقيرات الضعيفات المضطرات ؛ ولكني أخشي عليهم أكثر لأنهم لا يملكن سوي شرفهم ؛
في ظل عرف موجود عند العرب الخليجيين ان الخادمة هي جارية او لنقل امة وطبعا لا تقنعني ان الشاب المراهق لن يحاول ان يقترب منها
خصوصا ان الشافعي قال من مات ولم يتزوج مصريه مات اعزب
ااااااااااااااااااه يابلد بعد مكنا بنصدر القضااااااااااااااااااااااااااه
المهندسيييييييييييين
المعلمييييييييييييييييييييييييييييين
بقينا هنصدر الخادمات؟
ولأن شر البلية ما يضحك...فأنا أتصلت بأختي في السعودية وقلت لها خلاص.......لقيت حل أجيلك بيه منغير محرم أخيراً
اول مقلتلها قالتلي ربنا يخليكي يااختي عرفتي انى بدور علي واحده مصرية؟
اما اختي التانيه اللي بقولها الفلبينيها لها فائده انها بتعلم العيال انجليزي
قالتلي المصريه تتميز عنها في انها..........هتنسيه لهم
وأة ياقلبي..ليه بقيتي قاسيه يابلد ؛ليه استعبدوا العباد فيكي؟ ليه كرامة ابنك بقت اسهل ما عندك؟ لعمري مشفت ام بتقسي علي عيالها كده...حد يقولي ليه قبل منتحر؟

هناك 25 تعليقًا:

سجدة يقول...

لااااااااا
بلاش انتحار
انا دائما بسأل نفس سؤالك هى البلد دى بقت قاسية علينا كده ليه
مش عارفة

mohamed يقول...

دعاره مقنعه

طيب بلد ما اسمها وزارة القوى العامل

نعمل وزارة اسمها وزارة الدعارة

والسيدة الغير فاضله متعرفش انها كدا هتدخل التاريخ من أقذر ابوابه بانها اكبر قواده حكومية ورسمية علي مستوي التاريخ ..لا وايه بنص الثمن

يعني بسعر لا يقبل المنافسه

NoOr يقول...

يا ألله!!! هيا البلد دي عايزة ايه تاني مننا

ماكفاية شحططة وبهدلة وقلة قيمة وسط الناس والشعوب العربية

لكِ الله يامصر !! كُنتِ عَمــــار

البتول يقول...

اكيد فيه حل ان الناس لاتصمت العاشرة مساء غطت الخبر واليوم سمعت ان عائشة هذه تنكر قائلة انهن ممرضات المهم ان الرفض والاعتراض خلاها تنكر وتبرر الكل يرفض ريسجل اعتراضه خلاص مصر لم يبقي بها الا النساء ليعملن بهذه المهنه خارج بلادهم حسبنا الله ونعم الوكيل

شــــمـس الديـن يقول...

طيب اشمعني في دي بقي اللي استثنوا المحرم !!!!

مش دي البلد اللي بتتدعي الشرف و الخوف علي النساء و انهم لا يدخلن ارضهاالمقدسة بدون محرم !!!!!

البلد دي ماسكينها ولاد..........
و فعلا البلد دي معادتش بلدنا

الله يرحمك ياللي في بالي و ياجحم اللي في بالي بردوا

مسـتنـية الفـرج يقول...

شمس اللي بالي بالك هو الحل..علي رأي حمدي رزق:)

شجده...اللهم مولي امورنا خيارنا ولا توليها شرورنا...احنا السبب في الاخر

محمد...جبت التيهة...وهيعملولهم تأمين صحي عشان بمنعوا انتشار الأيدز ؛)

نوور؛ في مقول بتقول

بخلت يوما بالسكن.. واليوم تبخل بالكفن.. ماذا دهاك يا وطن؟!" فاروق جويدة


بتول؛ الايام بيننا هنشوف هيناقشوا ولا لأ....احنا قعدين اهوا مستنيين الفرج:)

ياسر سليم يقول...

نتشرف بدعوة سيادتكم والأسرة الكريمة لحضور إفتتاح المدونة الصاعدة بإذن الله .. كلماتى .. والعاقبة عندكم فى المسرات ..
حضروكم يسرنا ..
ودخانكم يضرنا ..

Maha يقول...

إنا لله وإنا إليه راجعون

احمد المصري يقول...

بصراحة
لهم حق يرخصوا من تمنهم
لان المصرين في الخارج انا شفتهم
حاطين راسنا في الارض بجد و ماحدش فيهم بيفكر انه مش بيضر نفسه بس ده بيظلم بلد بحالها و الاف من المغتربين اللي زيه و كويسين

بالنسبة للمصريات فعلا
في ليبيا على سبيل المثال عندهم مثل
بيقول خد تونسية للطبيخ و ليبية للنكد و مصرية للفراش ( السرير )
و طبعا انتم فاهمين
و مثل عربي تاني بيقول ان كنت عاوز واحد تدلعك خد مصرية
ده غير طبعا ان العماله المصرية مشهورة برة بالافتاء و ادعاء الخبرة بكل شيء و لا يكونوا على خبرة باي شيء

مسـتنـية الفـرج يقول...

دي مصيبه ضخمه اخ احمد؛ انا فعلا اعرف نماذج كتير بيضحكوا علي الناس في الخارج؛ يعني مثلا الناس بتشتري شُكك من السوبر ماركت؛ تيجي المصرية من دولة تقوم فصه ملح وهى عليها للراجل الغلبان فوق الألف وتنزل مصر وهو يلعن جدود المصريين؛ ومن ده كتير

loza يقول...

لاحول ولا قوه الا بالله
مش فاهمه ناوين يوصلوا بينا لفين بعد كده

تخلف واتخلفنا وانحدار فى الاخلاق وانحدرنا فقر وبنشحت


بس بجد الموضوع يفقععععععععع

الربان يقول...

تحياتي

الموضوع مثار علي مستويات كثيرة...و ان شاء الله يتغير الحال...و يمكن نجد مخرج من المأزق....اضعف الايمان ان مبلغ ال 800 ريال لا يغني و لا يسمن من جوع.

تحياتي

ضد الظلم يقول...

اهو كله قضاء على البطاله
ياسلام يا ولاد الدنيا اتغيرت خالص
والله دى نصيبه سودة وجت على دمغنا ربنا يخربيتك يا عائشه يا بنت عم عبد الهادى

مسـتنـية الفـرج يقول...

ربنا يخلي لنا ماما شوشو
اللي عايزة تحل ازمة البطالة اللي في البلد
خصوصا في ظل ارتفاع نسب العنوسة!!

القعقاع يقول...

أنا سمعت هذا الكلم بردك لكن سمعت أن أعضاء مجلس الشعب من المستقلين والمعارضة رفضوا هذا الكرم وتم إيقافه لكن لا اعلم إن كان قد وقف هذا العام أم أن هذا العام فلت الزمام ووقع الفأس في الرأس
ويعتبر هذا الإيقاف من العام القادم

مصري يقول...

البلد ده اعظم من اي بلد شافت كتير قوي ومش عصابه مبارك اللي هتخزفنا احنا لازم نكون اقوي من كده واليائس ميتكلمش لانه لو اتكلم هيضعف غيره البلد تستاهل اننا نضحي عشنها ولو مش بنضحي لينا يبقي نضحي لاهلينا ولو مش لاهلينا يبقي لولدنا ولو مش لولدنا يبقي لمصر , مصر ام الدنيا

tefa84w@yahoo.com يقول...

البلد ده اعظم من اي بلد شافت كتير قوي ومش عصابه مبارك اللي هتخزفنا احنا لازم نكون اقوي من كده واليائس ميتكلمش لانه لو اتكلم هيضعف غيره البلد تستاهل اننا نضحي عشنها ولو مش بنضحي لينا يبقي نضحي لاهلينا ولو مش لاهلينا يبقي لولدنا ولو مش لولدنا يبقي لمصر , مصر ام الدنيا

مصري وبس يقول...

البلد ده اعظم من اي بلد شافت كتير قوي ومش عصابه مبارك اللي هتخزفنا احنا لازم نكون اقوي من كده واليائس ميتكلمش لانه لو اتكلم هيضعف غيره البلد تستاهل اننا نضحي عشنها ولو مش بنضحي لينا يبقي نضحي لاهلينا ولو مش لاهلينا يبقي لولدنا ولو مش لولدنا يبقي لمصر , مصر ام الدنيا

david santos يقول...

Alive the people of Palestine, against the fascism of Israel and the terrorism of the North America

Peace for Palestine

يا قلبي يا غريب يقول...

السلام عليكم ورحمه الله و بركاته
كلامك صدمني و زود مر علي مرار من البلد دي...هنقول ايه؟؟؟
صبر جميل و الله المستعان علي ما تصفون

اسال الله العظيم رب العرش الكريم ان يجري الحق علي قلبك و علي لسانك
اللهم امين

الطائر الحزين يقول...

السلام عليكم
فعلا دى كارثة لان ما خفى كان اعظم ليه بيخلوا الواحد بينكسف برة يقول انا مصرى ليه
ليه احنا بنحبها وبنخاف عليها وهى مش بتخاف علينا
ليه بيموتوا فينا كل امل جميل
حسبنا الله ونعم الوكيل

ftataljanna يقول...

السلام عليكم ورحمة الله وبركاته

انا اول مرة اشوف مدونتك ماشاء الله حلوة واسلوبك جميل

انا حبيت بس اقول كلمة

مصر لما نحبها ونبقى مصريين نتشرف باننا مصريين مش علشان حكومتنا ولا علشان اى حاجة تانية

بس كفاية شهادة الرسول صلى الله عليه وسلم لينا فى مواضع كتيييييييي جدا
منها

ان اهلها فى رباط الى يوم القيامة ومنها ان فيها خير اجناد الارض

وقال كمان استوصوا باهلها خير

احنا مصريين والدم اللى فى عروقنا مصري ونتشرف باننا مصريين علشان احنا اباء وامهات لخير اجناد الارض

وبلدنا اللى بتلوموها شرفها ربنا بذكرها فى القران 3 مرات ومش في حد هايزلها لان اللى اعزة ربنا ما بيتذلش

واللى انتوا بتقولوا عليه ده مش ذل للمصريين ده ذل للى اخد القرار ده ولا صرح التصريح ده وذل للى توافق على كده

وحسبنا الله ونعم الوكيل

غير معرف يقول...

متزعليش مني انت عايشة في الخيال فوق بلوتو دا لو تعرفيه مش عارف ليه حاسس انك كارها نفسك وكارها اللي حوليك واحب اقولك متستنيش الفرح لانو مش هيبعبرك

غير معرف يقول...

انا من رااي انك تسافري احسنلك هتلقي فرصة عمل كويسة وهتظبطي كمان فاهماني طبعا واهو منو هتفرحي وتجلنا جاهزة لحسن احنا حالنا وحش اوي وبصراحة انا بموت فب المستعمل

غير معرف يقول...

A片,A片,成人網站,成人影片,色情,情色網,情色,AV,AV女優,成人影城,成人,色情A片,日本AV,免費成人影片,成人影片,SEX,免費A片,A片下載,免費A片下載,做愛,情色A片,色情影片,H漫,A漫,18成人

a片,色情影片,情色電影,a片,色情,情色網,情色,av,av女優,成人影城,成人,色情a片,日本av,免費成人影片,成人影片,情色a片,sex,免費a片,a片下載,免費a片下載,成人網站,做愛,自拍

情趣用品,情趣用品,情趣,情趣,情趣用品,情趣用品,情趣,情趣,情趣用品,情趣用品,情趣,情趣,情趣用品

A片,A片,A片下載,做愛,成人電影,.18成人,日本A片,情色小說,情色電影,成人影城,自拍,情色論壇,成人論壇,情色貼圖,情色,免費A片,成人,成人網站,成人圖片,AV女優,成人光碟,色情,色情影片,免費A片下載,SEX,AV,色情網站,本土自拍,性愛,成人影片,情色文學,成人文章,成人圖片區,成人貼圖

情色,AV女優,UT聊天室,聊天室,A片,視訊聊天室


UT聊天室,視訊聊天室,辣妹視訊,視訊辣妹,情色視訊,視訊,080視訊聊天室,視訊交友90739,美女視訊,視訊美女,免費視訊聊天室,免費視訊聊天,免費視訊,視訊聊天室,視訊聊天,視訊交友網,視訊交友,情人視訊網,成人視訊,哈啦聊天室,UT聊天室,豆豆聊天室,
聊天室,聊天,色情聊天室,色情,尋夢園聊天室,聊天室尋夢園,080聊天室,080苗栗人聊天室,柔情聊天網,小高聊天室,上班族聊天室,080中部人聊天室,中部人聊天室,成人聊天室,成人