سبت همى ورحت اتفسح ..لقيتة سبقنى وقالي هو انا مكسح!! ولكن..لا تقل يارب لى هم كبير ولكن قل ياهم لى رب كبير

الأحد، ٢٤ جمادى الأولى ١٤٢٨ هـ

ماذا لو اعتقلونى؟ محضرلي ايه؟

الحقيقه بعد اعتقال الثلاث فتيات بطنطا اللواتى كنا يوزعن الدعايه
كل واحد بقي يقولي لو اعتقلتي هعمل واسوى
فقلت اسمع منكم
محضرين لفرحي قصدي لاعتقالي ازاىىىىىىىى
مكنتش اعرف ان الناس بتجبنى اوى كده
بس عايزة اعرف بالنسبة للمدونيين وبالنسة للاخوانيين
وبالنسبة لزملاء العمل والمهنه والدرب

هناك ١٩ تعليقًا:

شاويش يقول...

يا ستي انت بس

تعتقلي وملكيش دعوة

هعملك حملة يا خبر

يحكو عنها في الف ليلة وليلة الحملات

يجي تلات ايام مظاهرات وضرب وشجب وادانة

بس انت يعتقولكي

وانا هقوم بالواجب وزيادة

مسـتنـية الفـرج يقول...

ده العشم بردوا ياشاويش

mohamed يقول...

توكلي علي الله

زملاء المهنة وراكي ..

وقولنا علي الكلي اللي بتحبية نبقي نجيلك بيه


وعلي راي شاويش هيعملوك حملة شجب وادانة انما ايه اوعي

يعني صباح الدعايا اللي هيعملها الاخوان علي قفا اعتقالك


ويا سلام بقي لو اتعرضتي لتعذيب بعد الشر يعني

اكيد مش هيكتفو بالتنديد زي ما حصل للطالبات بتوع عين شمس اللي.........


يعني هيتعملك شغل من نار

وابقي اديني بسورد المدونة بتاعك اكتب فيها لحد اما تبقي تخرجي

غير معرف يقول...

ندين نشجب نستنكر إعتقال الأخت مستنيه الفرج
ونطالب بأن يتم ترحيلها إلي الوادي الجديد أو إلي جونتنامو
وبعدها سوف أكلم السيد الرئيس حفظه الله للسوس والحشرات محمد حسني السيد مبارك ، أن يحيلك إلي محكمة عسكريه
وده طبعا مش لأني مخنوق منك
هذا فقط لأني بعزك

غير معرف يقول...

مش هستنى الفرج

ده هيبقى عنوان الفيديو اللي هعمله
بس للاسف معنديش اي حاجة اعمل بيها الفيديو ده
ابقى سيبي في draft
شوية داتا اعمل بيها الفيديو
و لما تدي الباسورد لمحمد او لانسى بقى احسن
يبقى يبعتلي الحاجة اعمل بيها فيديو
بس غالبا مش هجي العرض بتاعك لاني مشغول

نـــــــور يقول...

بصي يا بنتي ..انتي بس يعتقلوكِ
وسوف أملأ الدنيا صراخا وبكاء ..

وهعملك مظاهرات واحنا يا هما لحد ما ترجعلينا بالسلامة

انا من دلوقتي مسؤولة حزب البنات .. وسيبي كله عليا .. وانتي قدها وقدود ياحبي

بس حقيقي مش ممكن اصدق .. بجد ممكن اقولهم خدوني وسيبوها دي غلبانة وهتبطل سياسة خلاص

:D

سجدة يقول...

بس هما يعملوها بجد ولا تقلقى العيش هيكون عندك والحلوة وكل حاجة زى ما تكونى برة ومش بعيد نبعت لك لاب توب كمان
وإن كان على المدونة يا ستى ولا يهمك هنتصرف لك فيها مش وهنعملك حملة كبيرة افرجوا عن حبيبة بس هما يعملوها ويبقو قد كلمتهم

محمد النجار يقول...

ساعتها هاعملك حتة تحقيق بقى

بس عن المعتقلات مش عن المغتربين

مسـتنـية الفـرج يقول...

شاويش
انت ليه مقلتلهمش علي نيتك
عايز تخليها سر؟
شاويش ناوى لو اعتقلت يبعت للنائب العام
يطالبه
بتجديد حبسي


يااخ محمد
بص بقي
انا عايزة زبادوا وملتوا
وشيبس بالشطه واللمون
والباس مع ربة السيف والقلم
وبعدين مش بس الاخوان اللي هيعملوا دعايه علي قفايا
انا هتشهررررر كصحفية ومدونة ومناضله
وهبقي بدل مستنية الفرج
هبقي مستنية الافراج

العميد ميت
سؤال فني
هو أنت لو كنت مخنوق منى كنت هتعمل ايه؟
ده كده وبتعزنى!!



عبد الله بيه
فعلا انا مفروض اسيب الباس لأنسي
أصبت في مقتل بصراحة
أما الدرافت
فانتم محسسنى انكم بتحضروا لفرح
مش فرحي لأ ده فرحكم أنتم
لا اله الا الله

وفي الاخر تقولي مشغول!!
ومش جي
هو انا عزمتك أصلا؟

نوور حبيبتي
هتبذلي مجهود جبار بصراحة
وبالذات اختك هتنتحر عشان تطلع صوت
وربنا يخليكى انك هتقوللهم ان شا الله
:D

سجده
انتى معاك صوري وانا مفجوعة صح؟
استري علي الله يستر عليك
وهنتظر الاب توب
عشان اسلي نفسي بالبوستات ههههه


اخ محمد النجار
مالك داخل سخن كده؟
دانت لسه مستجد حتى في عالم التدوين والناس بتتعرف عليك واول مشاركه لك في مدونتى
اول متيجي تخبط في الحلل
ياخسرة الايام
كنت بتظاهر عشانك مره(متورطه) هيجى اليوم اللي تظاهر عشاني
الايام دول ومحافظات واقاليم

غير معرف يقول...

:D انا هعمل حملة معاهم
وهصمم لك بانر
مستنية الفرج .. انت راجل أوي :D
لا لا
هعمل لك حملة رووعه
بس انتي اعمليها وملكيش دعوه

واحد من الإخوان يقول...

الناس كلها واخده الموضوع بضحك
هم معاهم حق عشان يخرجوا من الجو ده

لكن بجد
موضوع إعتقال البنات ده شيئ كان بيعتبر من الخطوط الحمرا
وواضح إنهم مش ناويين يحطوا لنفسهم اي خطوط
انا طبعا بشترك مع كل الإقتراحات اللي إتقالت عن الحملات النتية ( على النت يعني ) أو كانت إعلامية
لكن في الحقيقة
انا لن اشعر بالرضا لرد الفعل ده
حاسس إنه لازم يكون في رد فعل اقوى
لكن مش عاوز اكون خيالي او إنفعالي الموضوع بجد محتاج وقفة تعبر وبشكل قوي عن حجم الغضب اللي جوانا
لكن إزاي نعبر
انا مش قادر اوصل لحاجة بصراحة
ومع تقديري و إشتراكي في كل إقتراحات التصعيد الإعلامي
لكن بردة زي ما قلت مش حاسس إنها هتكون كافية للتعبير عن الغضب اللي جوانا من إعتقال الفتيات
تقولوا قول مقترحات أقول لو كان عندي فكرة كويسة كنت قلتها

محمد حمزة

mohamed يقول...

بشمهندس محمد حمزة ..

الخط الاحمر هما تخطوه من زمان

او يمكن عندهم عما الوان وشايفن كله رمادي

طلابات الازهر اضربوا بالجزم وكارمتهم اتبعترت

والتسجيل لصوت البنت اللي هتكو عرضها في الازهر

والطالبتين بتوع عين شمس واللي حصلهم في لاظغولي


يا بشمهندس كل اللي حصل دا فين رد الفعل عليهمشفناش غير الشجب والادانة


لما حبيبة تقول لو اتاخدت هتعملوا ايه

بتكشف العجز اللي فينا

واقعينا حد فينا في ايده حاجة يعملها غير محاولة ضعيفه اسمها ضغط اعلامي

وبعدين

ولا حاجة

عايز حد يقولي علي حل واحد في ادينا

حل واحد

غير معرف يقول...

www.khirat-elshater.blogspoزورو مدونات ابناء المعتقلين وخاصة مدونة ابناء المهندس خيرت الشاطر

أحمد عبد الفتاح يقول...

وعندك 10 صناديق حاجه ساقعه مشبرة وطقم كشري للبهوات من عند ابو طارق حلاوة اعتقال ست الصحفية
ودقي يا مزيكا
تررا تررا
يااااااااااااااااه شئ جميل
تخيلي
انتي وامي واصحاب امي الي بحبهم كلهم اتاخدوا
ياااااااااااااااه
ده تبقي بمبي وزهزهت
---------------------------------
قبل ما انسي
قبل ما تعتقلي لازم
1- تدي باسورد مدونتك لحاد عشان يمتب
2- تسيبي شوية داتا ليكي وياريت توفري التعب وتصممي البانرات عشان تطالعنا طلعتك البهية طول ما انتي جوه

حلم الحرية يقول...

انتي اعمليها بس وملكيش دعوة

انا عليا الزبادو والملتو
وكمان عيش تست وحلاوة
ما هو لازم يبقي فيه عيش وحلاوة
امال يعني اعتقال وسجون ازاي

اما بقي الحملة
حنظبطك متقلقيش

اولاة مستنية الفرج تتحول لمتنية الافراج
صورة البنت الصغيرة اللي حاطة ايديها علي خدها نخلي الالوان ابيض واسود ونحط اسوار ادامها
علي كام جملة ويبقي اول بانر ظهر
للنور

ادينا جهزنا اول بانر اهو
اعمليها انتي بس ومتقلقيش حتتحل حتتحل

وبعدين كويس ان في ناس عندها صورك وانتي مخضوضة دي بقي حتعمل شغل جامد اوي في الدعاية


بصراحة وجد بقي بعد ما قلنالنا كلمتين هزار
عايزة اقول زي ما الاخ محمد حمزة قال
احنا كلنا قلبناها ضحك جايز علشان مش متخيلين الموقف بحق وحقيق
بس هما كده تخطوا مش بس الخطوط الحمرا دول عدوا كل الالوان
ولو الوضع فضل كده مش عارفة بجد ساعتها ممكن نعمل ايه
بافكر بجد ومش عارفة

الطائر الحزين يقول...

لا نملك الا الدعاء بجد
ننقى انفسنا وندعى
**********************
وكمان بقى تخيلوا لو فس واحد من اياهم تكشفر راسها ساعة مغربية وتدعى عليهم وانتى شوفى ايه اللى هيجرى لهم

غير معرف يقول...

بسم الله يا جماعة أنا مدون جديد وأرحب بكم أصدقاء عزاز علي.
أرجو منكم التواصل والتعارف عبر مدونتي المتواضعة ليكون معًا صناع حقيقيين للحياة.


http://samedaazm.blogspot.com/

المجاهدة يقول...

:d
الموضوع ضحكني اوى و التعليقات
:d

ربنا يحفظك يا بنتي
سيبك انتي

هبقى اقعد ادعيلك :d

ادم المصرى يقول...

الف مبروك يا ابو العيااااااااااال

ربنا يباركلك فيه ان شاء الله

يارب تشرفنى فى مدونتى ونكون اظدقاء