انت فكرني مصرية؟... وإتفاقية تصدير الجواري!!

ايوة انا بسال بجد...بدل مهقولك انت فكرني فلبينية دلوقتي العرب كلهم هيقولوا انت فكرني مصريه؟

مهو اصل القصة ياحلوين ان ماما عائشة عبد الهادي وزيرة القوي العامله صعب عليها حال الاسر اللي بتجري عليها الستات؛ فقالت منسفرهم هما كمان للخارج زى مبنسفر الصنيعية؛ بس للاسف المرة دى ضربت سهم في مكان غلط

ضربت سهم اصاب شرفنا

ايوه ليه بقي ...اصبروا علي هقول اهوا

المهم ماما عائشة اللي هي ست ومفروض تحس بالستات

تعاقدت علي تصدير 120 الف خادمة للملكة مصرية للملكة السعودية

غطيني يا أمي وصوتيييييييييييييييييييييييييييييييييييييي

لا استني اسمعي الباقي عشان الصويته تبقي جمله مش قطاعي

حكومة عائشة تعاقدت علي ان مرتب الخادمه المصرية يكون ما يقرب من نصف مرتب الخادمة الفلبينية

يعني الفلبينية بعد كدة هتقول للمصرية تعالي اشتغلي عندي

لان الفلبينية هتاخد 1500 ريال اما المصرية هتاخد 800 بس!!

ياجماعة دي مصيييييييييييييييييييييييييبه

الخادمات القادمات من آسيا ..قادمات من بلاد ليست مسلمه

المصيبه اننا بلد مسلمه والشرف عندنا اغلي من قرطاس اللب...مهو ده الوضع الجديد بعد التعديلات الدستوريه ؛

وفي ظل الحكومة الرشيدة النظيفة العزعزيه

لان اقنعونى تحت أي مبرر ازاى هتدافع عن نفسها ووهي وواحد في شقة واحدة

ايه اللي يضمن انه ميحطلهاش مخدر؟

طب هتقولوا هتروح السفارة؟

نفسي اقول كلام اخلاقي منعاني منه لكن المهم

طالعتنا الجرائد اليوم عن السفاره الكويتيه مثلا انها قالت لعاملين لجأوا اليها هتستحملوا ان تنعتوا بالعبيد ولا نرحلكم؟ بدل ميجيبوا لهم حقهم!!

السفاره الان لن تكون اكثر اكراما للمواطن المصري اللي بيهان في الداخل فلما لا يهان بالخارج؟

هتقولي مشكلة البطاله و22% من الأسر تعولها أمرأة

هقولك تجوع الحره ولا تأكل بثديها

وهقولك هو ده بقي البرنامج الانتخابي بتاع جناب الريس؟ هو ده قضاءه علي البطاله؟

اااااااااااااااااااااه يابلد

بعد مكنا بنصدر العلماء والمدرسين والمهندسين والأطباء وأساتذة الجامعات

الآن هنصدر الخادمات

انا عمري مشفت حكومة بتتاآمر علي شعبها زي حكومتنا

غاوية تجيب مرخرنا الأرض...أه وربنا

لا خد النكته دي بقي

الاتفاقية دى جت بعد رفض اقامة جسر كان هيربط بين السعودية ومصر

ورفضت الحكومه اقامت الجسر دون إبداء أي اسباب أو مبررات

رفضت الحكومه جسر كان هيعمل فتح اقتصادي

رفضت الحكومه حتي مجرد المناقشة

وهو نفس اللي حصل لما طالب الاعضاء مناقشة عائشة فرفض فتحي سرور الاستجواب

عائشة اللي حبت تدخل التاريخ من أوسع أبوابه

بس للاسف أقذر أبوابه

بتتاجر بشرف بنتنا وبتخاطر بيهم

انا لا اشكك في أخلاق تلك الفتيات الفقيرات الضعيفات المضطرات ؛ ولكني أخشي عليهم أكثر لأنهم لا يملكن سوي شرفهم ؛

في ظل عرف موجود عند العرب الخليجيين ان الخادمة هي جارية او لنقل امة وطبعا لا تقنعني ان الشاب المراهق لن يحاول ان يقترب منها

خصوصا ان الشافعي قال من مات ولم يتزوج مصريه مات اعزب

ااااااااااااااااااه يابلد بعد مكنا بنصدر القضااااااااااااااااااااااااااه

المهندسيييييييييييين

المعلمييييييييييييييييييييييييييييين

بقينا هنصدر الخادمات؟

ولأن شر البلية ما يضحك...فأنا أتصلت بأختي في السعودية وقلت لها خلاص.......لقيت حل أجيلك بيه منغير محرم أخيراً

اول مقلتلها قالتلي ربنا يخليكي يااختي عرفتي انى بدور علي واحده مصرية؟

اما اختي التانيه اللي بقولها الفلبينيها لها فائده انها بتعلم العيال انجليزي

قالتلي المصريه تتميز عنها في انها..........هتنسيه لهم

وأة ياقلبي..ليه بقيتي قاسيه يابلد ؛ليه استعبدوا العباد فيكي؟ ليه كرامة ابنك بقت اسهل ما عندك؟ لعمري مشفت ام بتقسي علي عيالها كده...حد يقولي ليه قبل منتحر؟

تم مد الحمله ليوم الجمعة

لما نشوففففففففف

علي فكرة

الجزء التاني من الوثيقة في السودان

وفي اليوم الاول وقع عليها 40 الف؛يتقدمهم عمر البشير

مش عارفه اقول ايه بصراحه

يقي كل مسلمين ومسيحين مصر

اختفوا؟؟؟؟

وداعاً للحمله

الحمله هتنهي اعملها بكره في القاهرة
مش عارفه اقولكم ايه بصراحة:)
مفيش حاجة تتقال اصلا
وهبقي اضيف العدد النهائي اللي تم جمعه

التوقيع بقي بالتليفون يا بشر..ارحمونا واتحركوا

ياجمااااااااااااااااااااااعة الخير

التوقيع بقي بالتليفون من الساعة 5 الي الساعة 11

7940738-7943166

يعملوا ايه اكتر من كده؟

ده ناقص يعملوه ميسدات!!

والعدد اصلا وصل صباح يوم الاحد ل31 الف بسسسسسسسسسسسسسسسسسسسسسسس

مش عارفه نعمل ايه اكتر من كده بجد؟

ياجماعة العريضة دى لفت الدول العربية وجمعت 600 ألف توقيع

العريضة دي تهدف إلي دخول موسوعة جينس التاريخية

العريضة دي هيتم تفدمها للأمين العام للأمم المتحده بان كي مون لمطالبته بوقف الانتهاكات الصهيونية بحق المسجد الأقصي

العريضة دى هتستقر للحفظ في المسجد الأقصي

ارحموا بقي وبطلوا الخنقة دي

دي المساحه اللي وقعتها باقي الدول العربية

وده اللي باقي!!!!! ياشعب ال70 مليون

ياللي قطرمتجيش شبرا بس حتي!!

عمار يامصر!!

الصورتان منقولتان عن مدونة أنسي

حملة المليون حبيسة دار الحكمة...انقذوا ما يمكن أنقاذة

ياسمين محمد حافظ توقع

وتحملها خديجة حسن مالك

وقلمي ههههه

ياجماعة رفضت السلطات المصرية انتقال حملة المليون توقيع لنصرة الأقصي إلي باقي محافظات مصر طبقا للجدول المعلن للحملة والذي كان مقرر لها التواجد في مقارات نقابات الأطباء والمحامين في معظم محافظات مصر بدءا من هذا الأسبوع، وبعد الرفض الشديد من السلطات المصرية علي انتقال "رول" الحملة للمحافظات قرر منسقو الحملة بقائها في مقر النقابة العامة للأطباء ـ دار الحكمة ـ حتي نهايتها، لاستكمال الـ 400 ألف توقيع وهي الحصة المقررة لمصر.

وكانت الحملة قد بدأت فاعلياتها يوم الثلاثاء الماضي في دار الحكمة وبلغ عدد الموقعين عليها حتي يوم الخميس الماضي 10 آلاف توقيع.

منظرنا معذرة _زباله_لو ملمناش الرقم المطلوب

ارجوكم روح انت وجارك وامضي لمامتك وباباك لو مش هيقدروا يروحوا

وامضي لكل من انابك عنه

وخد الثواب

ارحمونا بطلوا السلبية دييييييييي

بريق لمجي فرج....حكم مجلس الدوله

مكنش ينفع اعدي اليوم منغير منزل بوست

احي فيه الفضاء النزية

اقول ان الحكم اللي حصل واللي فى الاغلب لن يقدم جديد

مع الاعتذار للآملين

الا انه بريق امل

بصيص نور

انتصار للحق

قتل للحظات حتي من الظلم

مبروك لكل المنتصرين

وكل الفرحانين

ويارب يتمم لكم الفرحه

تاج السلطانيه

جالي تاج من الاخ محمد عبد العاطي صاحب مدونة مش معاهم

عموما التاج كان عباره عن سؤال ايه هما الخمس حاجات اللي محدش يعرفهم عنى

اول حاجة اني بحب الكنافه معجنه من عند الراجل طازجة

وماما ديما بتقولي هتجبلك دود في بطنك

بس مبقدرش اقاوم

s:

وبحب القطائف بالجبنه؛عجين بردوا وطازه من عند عمو

وبحب اعصر لمون علي الملوخيه

كمان محدش يعرف اني اني دقيقه وبهتم بالتفاصيل

وبلاحظ حاجات ممكن محدش ملاحظها

وعيني بتلقط

واظن زوار البلوج اكيد ميعرفوش

انى زمان مكنتش كئيبه كده؛

الا من 3 سنوات

بدئت اصطدم بصخور الدنيا

فبدئت قلبي يشيل من تلك الدنيا الدنية

فبدئت اكون كئيبه

رغم انى كنت مضرب الامثال فى الفرفشه والمرح

كده 5 صح؟

يوم من ايامى اللي بدعي فيهم علي قاسم أمين

انا النهاردة هحكيلكم عن احدي ايامي اللطيفه وهو يوم امس الاثنين؛ اللي بتخلينى ارجع اقول منك لله ياقاسم أمين
طبعا عرفتم بقصة القبض علي النائبين ؛ انا عرفتها بليل من ال10 مساءً قبل منام؛ ورحت الصبح علي رزقي مهو أصل انا مدبسه في الشفت الصباحي؛ وبعدين لسه بفطر وبروء نفسي لقيت الزميل المصور جة قالي يلا يأستاذه حبيبه عشان هتروحي التجمع الخامس عشان عندنا شغل؛ طبعا لميت الفطار وطلعنا نجري فى تاكسي ورحت هناك عند مجمع المحاكم ؛ حاولت أدخل نيابة أمن الدوله فقلت للظابط انا داخله للمحامي الفلاني (كان جوه؛ وكانت عربيتة بري بس مكنتش اعرف انها بري) قالي مدخلش ؛قلت له لا انا اعرف انه جوة؛ قالي محاميه؟ قلت له لا بس هدخله (طبعا لو قلت صحفيه يبقي كرسي فى الكلوب) قالي مدخلش وووووالله مدخل، بحلف لك بربنا أهو ، فقلت لنفسي دة بيحلف،ولجزء من الثانيه افترضت انه بيحلف بربنا بتعنا ؛فراح قايلي من الآخر لو مستنية النواب فبعد العرض ،
الظاهر باين علي ياجدعان ؛

ومشيت وخرجت لقيت عربية المحامى بري فعلا واتصلت به طلع جوه بس قالي مش هعرف ادخلك ؛

قالولي النائب الفلاني جى هيدخلك معاه ؛

طبعا الطف شىء ان مافي واحد من النواب جه ولا حتى الفلاني ده
؛وكان المزاح يلمح الي انهم خافوا!!،
وجة محامين كثر وقلت لواحد منهم يدخلنى فطبعا الظابط خد كارنيهاتهم وقالي اتفضلي بري
شعور ممتع والواحد بيطرد:D؛ياريت تجربوه
قلتله مهو المحامى اللي حلفت لي بالله أنه مش هنا طلع كانت عربيته بري؛ففهم انى قرشت ملحته؛

فخرجت بكرامتي طبعا مهو انا بتحرك بيها تيك اواى
وقعدت من الساعه 12 الي الساعة 5 يامؤمنين تحت نقحة الشمسسسس
وراقبت العديد من المواقف هحكيهالكم
أول موقف كان الزميل المصور:
حب يصور الاخوة اللي كان عندهم عرض في نفس اليوم وتجدد لهم 15 يوم؛ فطلع علي السور؛ فحاولوا يشدوا الكاميره منه وهو مسك فى السور ؛فجة واحد تاني نقيب قعد يشد يشد؛فذراعة إتجرح؛ فجاوه من قفاة وعملوله شوية حاجات تجري الدمويه في وشه ؛ والواد قالهم الكاميرا؛ دى عهدة ؛أعملوا في اللي عايزينه بس الكاميرا لأ ..أبوس شراب سعادتك..فالظابط افتكره بيتريق ههههههه فادهمله زياده؛ وبعدين قاله انا ممكن اطلعلك امر اعتقال دلوقتي وحلف له بربنا بتاعهم ان واحد عمل زيه بقاله سنين عددا محدش يعرف سكته؛ وكان في زباااااااااااال قعد يتريق علي الزميل ويقوله ليه كده يابابااااا كده غلط يابابااااا(كان ناقص يقول له كده غلط علي الزلط) ؛ المهم الظابط قال له في الاخر انا ممكن أديك الكاميرا بس هتروح الجريدة تقول ضربونى وعملونى؛ قالوا عيب ياباشا ولا هفتح بوقي؛ قاله طب ر.ل .ح ؛ اعتقد معظم الشباب عارفين معنى الرمز ايه.

الموقف الثاني كان بخصوص قضية كانت بتنظر فى نفس التوقيت واظنهم ركبوا نفس عربة الترحيلات:

كانت تفجيرات الأزهر علي ما سمعت ؛ وسواء أختلفت مع المتهمين او اتفقت وهو لست هنا لادافع عنهم أو أجرمهم علي تهمه قد يكونوا اصلا لم يقترفوها ؛ كانت الأسره او اسرتان ربما؛ فيهم أم وابناء واطفال وزوجة؛فضلاً عن الرجال؛ أكتسي وجة النساء والاطفال بوابل من الدموع؛ كانوا فقط ينتظرون رؤية ذويهم؛وكانوا معهم طعام فى كراتين لهم ؛المهم انتهي الفصل الدرامي برفض الأمن أعطائهم الطعام ؛وهو ما جعل الجميع يصرخون بالدعاء والحسبنا
فقالت الام "استعنت بقدرة الله عليكم؛حتي اللقمة مستخسرنها فيهم؟" ؛وازداد نحيب الزوجات والاطفال وبنت رقيقه تبدوا علي اعتاب سن المراهقه يملء وجهها الشوق والحرقة والألم ؛أبكتني كلمات الأم بشده ودموع البنتان؛ ووقف الأهالي رجال ونساء حول ذلك الطعام؛ وانفعل الرجال فقالوا لن نعود به سنتركه هنا؛ لولا تدخل المحامي ؛ ومحاولته التهدئه؛ وجاءت امرأة سودانيه سألت احدي الزوجات المنتقبات علي ما اظن والتي كانت رغم نقابها تبدوا عينيها محترقتان من الدموع؛فسألتها السيده السودانيه ما القضيه؛فبدئت تحكى لها والسيدة تقاطعها وتسألها عشان الدين ..عشان الدين؟ فقالت لها آة؛فقالت لها حسبي الله ونعم الوكيل؛ وذهبت؛ لكن_واكرر اتفقت ام اختلفت_لخصت السيدة السودانيه كل القضيه في تلك الكلمات؛سواء فهم هؤلاء الدين صح او خطأ إلا أنهم من أجل الدين هم خلف الأسوار؛ اتوقع لو كنا في بلد أكثر عداله كانت ستستغل تلك الطاقات وتوجهها توجيه سليم صحيح مفيد لا ضار .
الموقف الأخير أثناء نقحتي فى الشمس :
سمعت حوار بين الضابط( لا اعرف في الرتب صراحة ولا اهتم) هذا الضابط اعطى العسكري بتاعة مفتاح السيارة الشروكى ليحضر له منها شىء؛ وبعدين جة ظابط اخر يمازح العسكري فقاله هنلبسك كده قضية سرقه للسياره فنظر له الظابط بتاعة يشوف عسكريه هيقول ايه فتقريبا قاله ما معناه ان البيه بتاعي هيحمينى او كده ؛ فقالوا الظابط بتاعة بنشوه برافو وكده؛فقال الظابط الاخر لالا دة يبيعك؛ قال الظابط لا العسكري بتاعي عارف انه مدام واحد من رجلتى عمري مبيعه....الخلاصه ان حتى مزاحهم كان فيه هلبسك قضيه!!!!!!!!!!



الموقف الأهم :هو ماذا كان تسجيل عربيات الأمن يقول؟؟؟؟
كان يقول..سفري طويل و زادي قليل (اظن اغنية فرشي التراب) والله ضحكت

باقي اليوم كان ضربة الشمس اشتغلت وطلعته علي مديري وزميلي ومنهم لله اللي كانوا السبب.

المهم انا حيه أرزق بفضل الله الآن ودة إنجاز ؛بس بعاني من التهاب فى البشره ولله الحمد

يتسولون الطعام؟

من زمان وانا بحضر لانى أتكلم فى الموضوع ده
من قبل رمضان يمكن وأنا بحاول اجمع داتا
هو الموضوع مش جديد
ولا مميز
هو بس هتكلم عن لفته خاصه فيه هى اللي بتحرق قلبي اوى
بتوجعنى فعلا
بتخلينى احس بالظلم واستشعر مساوىء الفساد بعيناي؛ابصر بنورهما كسرٍة الضحايا
دعنا اولا آخذك معي إلي عالمي فى سنيماي؛اغمض عينيك واصعد معي فى المنضطاد؛ بماذا تحلم؟
سترد سريعا
سرير مريح حيث نومه هانئه
وطعام ساخن لذيذ ومغذي
و....سأتوقف عند هاتين مؤقتاً
ولعلي في بوست آخر اتحدث عن و...
انت ياأبن العشرين تحلم بذلك؟؟
انت يامن تتمتع بقمة الصحة لانك فى هذا السن نميت وطولت وسمنت وتكون عودك؛
وتحلم بالنوم؟ والطعام؟؟
يالك من مسرف؟؟ أناني؟
خيالي؟ ..ربما لانك فى سينماي او علي منضطادي
انزل منهم وأنظر للرجل فى الصورة التى فوق
هل تراه؟
اؤمن بأن كثيرون بل معظم المتسولون هم نصابين ولكنى هنا اتحدث عن قضيه اخري
هل ترى ذلك الرجل؟
هل تحس احساسه؟
(حتى لو نصاب)فإننى اتسائل اليس لهذا الرجل أبن أخ جار قريب؟
اليس هناك من يطعمه ويقدم لها الطعام اللذيذ
لا اظن ان رجل فى مثل سنه قد يفضل أن يتسول عن ان ينام في سريرة

خصوصا أنظر لظهره

وانظر ليداه الممدودتان بإستيحاء
السؤال الأهم ليس عن اخوة او جاره
وإنما اين هم من يدعون انهم وزارة الشؤن الاجتماعيه؟
السؤال الأهم...أين هو بيت مال المسلمين ليغنى امثال ذاك الرجل عن السؤال؟
اتتخيله وهو جالس فى هذا الحر الفظيع وهو فى اشد الحاجة للظل واشد الحاجة للماء؟
للأسف هو ليس النموزج الوحيد فى بلدنا الإسلامي
فلازلت اذكر رجل كنت اركب الميكروباص وكان هو فى الجهة الأخري من الشارع ؛ وإلي يومنا هذا نادمه إني لم أنزل له من الميكروباص
كان نفس نحافة هذا الرجل الموضوع صورته
إلا أنه كان لا يتسول؛بل كان يجمل صندوق به لبان وسجائر ومناديل وبسكوتات
كان يحمل هذا الصندوق بحبل علي رقبته
اى رقبه؟؟ رقبه عليها رباطط ضاغط(لاأعرفه اسمه الطبي)
وكان يسند بيده ظهره ليحفظ توازنه
كان يضع يده حيناً علي عموده الفقري كما نحاول ان نسند شجرة مائله
اتتخيلون؟
كان يضع يده علي جنبه حيناً آخر
وتخيلوا معي فى أحسن حال من الأحوال كم يكسب؟
هل يكسب عشرة جنيهات؟
ايعجز أحد الأثرياء الكسر فى عالمنا ان يوفر له هذا المبلغ؟
أيعجز الأمير الفلاني الذي تبرع لحديقة الحيوانات الفلانيه ان يوفر له هذا المبلغ؟
كم من هؤلاء البشر يصرفون هذا المبلغ ربما فى سيجارة واحدة؟
تخيل نفسك فى هذا السن وصحتك التي هي أعزما تملك لأنها هي التي تحقق بها أنشطتك ضعفت
تخيل انك تتحرك بصعوبه
ذات مرة استشعرت بألم فى ركبتى فتذكرت كل من أراهم يتحركون بصعوبه كم يتألمون؟
أما النساء اللواتى يتسرزقون ببيع نعناع ومناديل مثل تلك

فهل تري سنها؟ كم تبلغ من العمر؟
50؟
أين من بنتهم طوال الخمسون عام؟
هى كانت تبيع بعزة فعلا؛حتى صديقتى حين قالت لها احتفظى بالباقي رفضت

هى أمي
وامك
الا تغار عليها؟
الا تبكي لذلها في طلب الحاجة؟ ):
الا تشتعر ابدااااااااا
لن اتحدث عن ام اليتامي
فقط أقول
أين بيت مال المسلمين ؟

وأين عمر الذي كان يبكي خوفاً من ان يسئل علي شاااااااااااااااااااااااااااه تعثرت
شاااااااااااااااااااااااااااااااااااااااااااااااااااااااااااااااه يامؤمنين
اين عمر الذي ارسل زوجتـــــة لتساعد زوجة راعي علي الولاده
أين عمرر الذي شم فى زوجته رائحة عطر سقط اثناء تقسيمهم عطر بيت المال فصرخ فيها واخذ الثوب؟
أين بيت المال..........يعف المسلمين؟

اعتصام المدونيين من أجل منعم وخاطره

طبعا تعرفون ان عبد المنعم محمود اقتحم بيت اول أمس ولم يكن موجود وهناك من يقول أنه سلم نفسة وهناك من يقول لا ؛سواء هذا أو ذلك

..فقد اجتمع مجموعة من المدونيين اليوم

منهم

المدون ميت وشاويش وإن أخ وإخوان يالالالي ؛وصاحب مدونة بتنفس بصعوبه؛

ومن الاخوات كانت الفجريه وهعيش واتحدي احزاني وتستمر الحياه ولسانى مولوتوفي

وأيضاً جيمي هود اليساري وأسد الجهادي ؛واخيرا المدونه ألم وطن

والهتافات كانت مثل

قالوا حرية وقالوا قانون وحطوا الشرفا في السجون

بإسم ال9 مليون عاطل

حكمك يامبارك باطل

هو المدون سلاحة ايه؟

غير الكلمه...ردوا عليه

ورفع الجميع كيبورداتهم التي تقوم بمقام القلم للصحفي

طبعا علمنا ان والد الاخ عبد المنعم مريض بشدة؛ربما مرض الموت ؛فهو مريض بما يسمي الاستسقا وبالكلي اظن

مما جعلنى اشرد قليلا في مدي الظلم الذي يقع علي الآباء وأبنائهم

وصراحة انا هنا لست لاتحدث عن اي مما سبق علي الرغم من سعادتى من التقائى بمدونين لم اكن اعرفهم من قبل مثل لساني مولوتوفي ؛والاخ ميت الذي كان الاخوة ينادونه بأسمه فقالت لي و"تستمر الحياة" مداعبه ميت ازاى؟ مهو لسه فيه الروح اهو

ولكن ساقص خاطرة اخري

اثناء الوقفه وجدت رجل لايقل عن الخمسين يقف معنا ويحمل صورة الاخ منعم؛ فسألته عنه فابدي الجميع تعجبهم

وهتف مهنا بشدة

وكان يرتضي بذله قد تكون انيقة

وبعد الوقفه اقيم مؤتمر حول الدوله المدنيه في فكر الرسول والحريات وهكذا؛ المهم

حضر المؤتمر سيدة من الوفد من القيادات النسائية فيه

بعد المؤتمر باعتباري صحفيه علي ان احصل علي وسيلة اتصال بها

فذهبت فوجدت هذا الرجل الذي كان يرتدي البدله يسألها عن عمل له ؛ ويعدد مهاراته

فتهربت منه ونظرت لي ايوة ياحبيبتي؟ فقلت لها انا اريد تليفونك واخرجت ورقه وقلم فقالت بل اعطيكى كارت

(ماانا صحفيه بقي

واستمر الرجل يعدد مهاراته ويشرح ظروفه وانه يقعد عن العمل لمدد تصل لست شهور متواصله

نظرت اليه أتأمل فيه حال البلد؛فهو رجل غطي السواد رأسه ووجهة يعلوة ابتسامه مغتصمه محرومة

ربما يكون غير مريح في تعامله..لا ادري ولكن

اخذت تقول له ان شاء الله حاضر حاضر

فسألها كارت مثلي؛فقالت له خلص

فسألها الرقم فأمليت له وهى تغمز لي؛

لا ياسيدتي ربما اضطررت ان اصمت لانى كنت اتحدث وقتها بأسم المكان الذي اعمل فيه

لكن ياسيدتي الا ترين الرجل يتسول طعامه؟

يتسول عمل ليكتسب منه

اقل ما يمكن ان تكونى رقيقه معه وقد كنتى لا انكر؛ولكن كان بعينيك الاحراج واضح

تريدين ان تخلصي منه وتمشي

لا ياحامله مبادىء سعد زغلول والنحاس

لا تقسين علي ابناء مصر مثلما تقسوا عليهم الحكومه

ارفقي به كأخ كبير لك

لن اقول كأب

ارفقي به كرجل محتاج

فما أسوء تسول الطعام

وما أذل الاحتياج

وأوجع قلب الأب حين يعجز

لا اوجة كلامي لك وحدك

بل لكل من لا يشعرن بالوطن الذي يمثلوا له رموز سياسيه

والسياسة هي رغيف العيش الذى نأكله

ومصاريف المدارس وثمن المواصلات والملبس

والحريه

يارب اطعمنا وورسع رزقنا ؛واغني فقراءنا

محتاجينك يارب

وهنفضل نستنى رحمتك

هنفضل نستناها

لاننا فعلا نسألك الفرج

مصر في عهد الجاهليه الحديثة

اولا بعتذر عن تأخيري في كتابه بوست نيو لان عم الحاج السايبر اتسرق يامينز وعم احمد مش زى الحاج احمد اللي هو الكمبيوتر بتاعي جتله سكتة قلبيه استدعت عمل غسيل مخ وكلي وقام بالسلامه مع استمرار وضع محاليل التليفون

المهم

قعدت أفكر أي حد عشان يصلح حاجة لازم يحدد عيوبها؛ بشكل أوضح تعالوا نجمع كل نقاط الفساد في حبيبتنا مصر؛ عشان نعمل بوست تانى ونكتب فيه مصر الحلم(اوعوا تخلطوا في البوست دة(تعالوا نقول كذا وكذا وحش تعالوا نجمع سوى كل البلاوى اللى تتعبي في كشاكيل

تعالوا نبتدى سوى

نبتدي من اول مبتصحي ونلاقي المية مقطوعة والمجاري طفحة

دة غير اللى معندهمش ميه اصلا ولا يسمعوا عن اختراع المجاري ويمكن الصرف الصحي

وممكن كمان الكهرباء اللي تكون مدخلتش لسيادتك

وتخرج الشارع تلاقي اولاد الشوارع

وتركب المواصلات يسرقوك سواء في الأجرة ؛ أو الركاب يطلعوا مطواة ويقشطوك

وتمر علي شباب قعدين بيحششوا علي القهاوى

وتقول كل دوووووووووول عاطلين؟؟

والاتوبيسات تطلع عوادم بشعة

والمدارس نروح نلاقي العيال قعدين في علبة سردين

وبيتعلموا بطريقة تعليم البهائم مش طريقة تعليم للنمو والتقدم والريادة؛ والميس تجبرهم علي انهم يجيبوا حاجات؛ وهما اهليهم مش لقين يوقفوا الم جوع بطنهم

والناس تروح المصلحة الحكومية تمووووووووووووووت عشان تقضي مصالحها

ويرجعوها عشان ورقة الف مرة؛والناس تبكي وتتذل

ونروح المستشفيات التعليمية

بيذلوا الناس فعلاً

ومفيش ادويه الا لو الناس هي اللى جابت

بدل ميسيبوا مرضاهم يموتوا

والناس تعمل حوادث في الشوارع وترشي العساكر وتهرب

نيجي بقي للمهم

ظلم الظباط وأمناء الشرطة وكل مسؤل

والفساد اللي في الصحافة

والكذب بتاع الانتخابات والاستفتاءوتصقيفها للحكومه

المواطنين الاميين بتوع كله تماما اللي راحوا قال نعم وليه لأ عشان سندوتش فول

فكروا معايا ايه تانى فساد؟